LUKAT 22:53 - Ala Ane Wene Ket Mene Warogo Wo'ninapike Wene

⁵³ Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

LUKAT 22:53 ပူးပေါင်းရင်းမြစ်များ

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

KOLOSE 1:13

Nit alep o mùmmo weak mene nen awe a'ma hele warogo ha'nisek were'ma, Ala nen hele hikalogo wo'ninabìk he, aput etawì mene a'nogo ha'nisek logouagalùk awe a'ma hinikomo welago.

YOHANET 7:45

Atì'nogo kamo isukwasik werek kolek, it ap Ala awì wùrìk serogo welagaukwa mene nen Yesùt ebe hakhouagalùk wene warisasukwa mene amanogo inapotkwe it ap Ala esewerek mene inogogì kaintek mel, Parisi mene mel, inoba wagaukwama re, mel yogoisasukwa: “Ap a'nogo ebe hakhìlìk ninoba wolok wagì'lek atì, nahalok en kamo egep,” ìlùk yogoisasukwama,

YOHANET 14:30

Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

YOHANET 7:30

it en Yesùt ebe hakhouogolùk isukwa meneat he, at ebe hakhousak oba higit asi wagì'lek atì nen he, ebe hakhìgì'lek kamo isukwa.

MATÌÙT 21:23

At Yesùt en wene atì'nogo yogoisalùk he, at ebe Ala awì wùrì'mo kisikesik logolìk wene yakùlisikenem he, it ap Ala esewerek mene inogogì kaintek mel, it ap inalùgetek mel, Yesùt oba wagaukwasik he, mel yogosukwa: “Hat he, nena mene esewerek agatik yì hagatìk, tì hagatìk, ìkì lagen. Nen, ap sa nen esewerek logouagalùk, menhageikomo hagatì lagen,” ìlùk yogosukwama,

LUKAT 22:52

Atì'nogo hùnethesikesik he, at Yesùt en, it ap Ala esewerek inogogì kaintek mel, Ala awì wùrìk serogo welagaikarek mene mel, inalùgetek mel, at ebe hakhouogolùk wagaukwa mene obogat mel yogoisasike: “Ap yogot wanhenem haksa wagaikarek hak, hit en an atì'nogoat hakhanuogolùk karok mel, payùk mel, wolok wagep yì rì!

LUKAT 22:54

At Yesùt en atì'nogo yogoisasikomo, it en at ebe hakhesukwasik he, ap Ala esewerek inoe kain mene a'nogo aua wolok laga kolek, at Peterùt a'nogo hobuk inopolik hek hogo lagaike.

YOHANET 13:30

Atì'nogo akiko kolek, at Yùrat sùpùrùk horoti mene ekim wanhike mene a'nogo wolok he, o motok hùako agaikesi'mo eta'ma pìkìt wùlìpike.