LUKAT 22:42 - Ala Ane Wene Ket Mene Warogo Wo'ninapike Wene

⁴² mel isike: “Nopase e! Hat en hano akegen halok he, an weaga'nabugun mene atì telnabino,” ìlùk u hak, “Eken amusu hinago noagalùk wo'nesugun atì, hat en an noba nen wokhano. Mene re, an na'la akìkì lagì mene atì lek o. We, hat ha'la akegen mene atìat haga'nabino o,” ìlùk yogosikomo, [

LUKAT 22:42 ပူးပေါင်းရင်းမြစ်များ

MATÌÙT 26:39

at alepma negen horogat lìlìk elokwe sogoum weinarìk he, Ala ayoko hìkì logolìk, mel yogosike: “Nopase! An weaga'nabugun atì telnabusak halok he, telnabino,” ìlùk u hak, “Amusu hinago noagalùk wo'nesugun atì, wokhasak halok he, wokhano. Nen, lek halok he, an na'la akìgì mene atì lek o. We, hat ha'la akegen mene atìat haga'nabino o,” ìlùk sapan isike.

MATÌÙT 26:42

sapan ebalep isike hagat, hobuk lagak hogo lagaikesik he, mel isike: “Nopase a! An weaga'nabugun yì re, telnabusak mea halok he, hat ha'la akegen atì higit hogoat haga'lasuak o,” ìlùk, sapan isike.

MAREKÙT 14:36

hobuk aike mel isike: “Nopase. Nopase hallabok e! Hat he, yì mene tì mene hagasumo hagasusak enek atì nen, an weaga'nabugun atì, hat en telnabino, ìlùk u hak he, eken amusu hinago noagalùk wo'nesugun atì hat en wokhano ìgì. Mene re, an na'la akìgì atì lek o. We, hat ha'la akegen mene atìat haga'nabino o,” ìlùk sapan isike.

YOHANET 18:11

Atì'nogo lakhesikomo, at Yesùt en, mel yogosike: “Peterùt. Hakarok obùlù'mo houa'ma kelakhakan o. Apùnì nen i hinago wogisikenem nekarek atì hak, an nopase nen, Hat yì aik tì aik hagathabugun o, ìlùk yogonesike mene atì higit hogo haga'nabusak mea akegen? Lek o. Haga'nabusagat o,” ìlùk yogosike.

MATÌÙT 20:22

Atì'nogo yogosikomo, at Yesùt en he, “Hit kìno yogonetep atì re, wene ebe hinokorat logolìk yogonetep o. An yì aik tì aik haga'nabugun atì re, hit atì'nogo hagathinabusak elok akegep?” ìlùk u hak he: “An nagei hinago negein atì re, hit elok nasak akegep?” ìlùk yogoisasikomo, it en he, “Elok nasagat o,” ìlùk yogosukwa.

YOHANET 5:30

Atì'nogo yogoisasikaik he, wene aike mel yogoisasike: “An naligat na'la nen kagalogo yì mene tì mene hagasusak mea atì nen he, an nen na'la akalùk hagatì lagì lek o. We, at an lakhani wagaike mene a'la akikerek mene hagasigìlùk ìkì lagì atì nen, nopase ane apoligat, apùnì oak tegelogo ùkùm inoba hìgìk, kotìk, ìkì lagì atì, higit hogoat ìkì lagì o,” ìlùk yogoisasike.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

MATÌÙT 26:44

sapan ebalep eki pìre ba isikesik, hobuk aike inom igìlùk lagaikesik he, ebalep isike hagat isike.

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

LUKAT 23:34

Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LAKSASIKE 21:14

Atì'nogo yogonisasikomo, nit en etaùken sebelusak mea agaikomo, ninane alep isugu mene a'nogo heraksìlìk, “Halok he, ninoe Etagepogot en a'la akike mene atìat haga'lasuak o,” ìlùk yogosugu.