LUKAT 22:38 - Ala Ane Wene Ket Mene Warogo Wo'ninapike Wene

³⁸ it en he, mel yogosukwa: “Noe. Nit mene karok weim yaparek mene a'nogo pìre werek yì han?” ìlùk ìnùkhasukwama, at Yesùt en he, “Atì elok werek o,” ìlùk yogoisasike.

LUKAT 22:38 ပူးပေါင်းရင်းမြစ်များ

LUKAT 22:49

it ap Yesùt inom welagaukwa mene amanogo nen he, it wagaukwa mene amanogo ineileken isìlìk he, ina'la nen, Tì'nogo hagasugun hìgì, akasukwasik, Yesùt mel yogosukwa: “Noe! Nit karok oba inoasu a? Lek a,” ìlùk, hinok wanhì logolìk aremnogoat,

YOHANET 18:36

at Yesùt en he, mel yogosike: “An nen apùnì nawe a'ma hisìgìrek atì re, apùnì kweangma mene nen inawe a'ma hisagarek atì hak hùk. Lek o. We, an nawe a'ma hisìgìrek atì re, kweangma mene logoilepma re, nagoromì nen an nebe it ap Yahuri mene wogisasak lek ìlùk, nebe elele wo'nabuogolùk inom yabilep meneat he, an nawe a'ma hisìgìrek atì kweangma mene lek atì nen he, elele wo'nabugun lek o,” ìlùk yogosikomo,

1 PETERÙT 5:9

Atì'nogo logolìk, hina'la nen, “Ninerùgì ninagaiya'lak o yì awì tì awì atoma yì aik tì aik hìlì'lùgì hagat hìkì lago,” ìlùk, at Ibilit waganem, ane holhì'lek heraksìlìk hinetaùken Ala oba hìpìrethìlìk ning hogo metek logoino o.

1 TESALONIKA 5:8

Mene re, nit lìa ba welagorek mene yì, ninoabùt hebelogo logolìk he, apùnì aike nen inoasinogo ìlùk sìng inoake ba itarek hak, ninetaùken Ala oba hìpìrìk logolìk, apùnì inebe ninetawìrogo welagorek atì meneat ìkìgik, inùkùloa'ma inoasinogo ìlùk inùkùlasu haro mene salharek hak, Ala nen telogo hano'ninabigin ìlùk, nina'la hano welago atì meneat salhìgìk, ìkì logouok o.

MATÌÙT 26:51

Hakhikenem he, ap aike Yesùt inom welagaukwa mene a'nogo nen karok awìka a'la oua'ma nen lisogo re, ap Ala esewerek inoe kain mene atitigeke aike wasigìlùk huguthasike re, esako nek sapuk hogo lakhesike.

LUKAT 22:36

at Yesùt en he, mel yogoisasike: “Meneat he, yogotak enek he, hinauang awì mel, hinasukwe mel, werek halok he, helalùk lani o. Nen, hit aike karok weim yaparek mene a'nogo lek halok he, hinasu etakwe laberek mene abarogo karok oko palino.