LUKAT 22:36 - Ala Ane Wene Ket Mene Warogo Wo'ninapike Wene

³⁶ at Yesùt en he, mel yogoisasike: “Meneat he, yogotak enek he, hinauang awì mel, hinasukwe mel, werek halok he, helalùk lani o. Nen, hit aike karok weim yaparek mene a'nogo lek halok he, hinasu etakwe laberek mene abarogo karok oko palino.

LUKAT 22:36 ပူးပေါင်းရင်းမြစ်များ

1 TESALONIKA 3:4

Nit emakum hit ninom logolìk, “Hobuk yì aik tì aik haga'ninapì logogunat o,” ìlùk, yogohisasugu a'nogo higit hogo haga'ninabì'lùgì atì hinelu o.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

LUKAT 22:35

At Yesùt en atì'nogo yogosikesik he, at Peterùt agaiya'lak he'nakìt inom lapuk hogo mel yogoisasike: “An nen, hit hinauang awì mel, hinasukwe mel, hinasepatu mel, wolok lagùp o, ìlùk lakhikasigi a'nogo nen he, hit yì mene tì mene legat welagagip a?” ìlùk Yogoisasikomo, it en he, mel yogosukwa: “Lek o. Elogat welagagu o,” ìlùk yogosukwama,

LUKAT 22:37

An haga'nabugun mene hesik helal waganogo hìkì logolìk he, At atì apùnì inoabùt weak hagatarek mene inom higit hogo hagarinapa o, ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo,

LUKAT 22:38

it en he, mel yogosukwa: “Noe. Nit mene karok weim yaparek mene a'nogo pìre werek yì han?” ìlùk ìnùkhasukwama, at Yesùt en he, “Atì elok werek o,” ìlùk yogoisasike.