LUKAT 22:19 - Ala Ane Wene Ket Mene Warogo Wo'ninapike Wene

¹⁹ Atì'nogo yogoisasikesik, hobuk sùpùrùk horoti mene ekimo wanhikesik he, Ala hai warogo nen ebe kùrogo re, agoromì sùpùrisìkì logolìk he, mel yogoisasike: “Yì an nebeat o. [An nebe hit hesik noatenem wa'lasigin atì, an noba eberek logouageip en he, yì'nogoat nìkì logoino,” ìlùk yogoisasikomo,

LUKAT 22:19 ပူးပေါင်းရင်းမြစ်များ

1 KORÌTÙT 10:16

Amusu nìkì logolìk he, Ala hai warogo nìkì lago atì, Karìsùt amep wulagasogo wasukwa atì ninom hutik welago ìlùk nìkì lago lek nogo? Nen, sùpùrùk kurogo nìkì lago atì, Karìsùt ebe ninom hutik logolìk ninebe omakeat welago, ìlùk, kùrogo nìkì lago lek nogo?

LUKAT 22:20

arat nasukwama nen he, isoak eken amusu hinago atì'nogoat wogisìkì logolìk he, “Yì re, an namebat o. Ala nen wene ket mene warogo wokhinabigin, isike a'nogo hit hesik namep wulagasogo noasugun atì ba, ebe asigin o,” ìlùk sùpùrogo wogisasikesik he, mel yogoisasike:]

1 KORÌTÙT 10:4

i nekarek hak, omakeat mene elalinat wogisiko kolek, inebe obogat nìkìk, ìkì lagaukwa. I atì re, helep Ala nen hesike mene, inom motok nìkì logolìk, a'la nen wùlùpenem nìkì lagaukwa atì. Helep atì ebe re, Karìsùt at o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

LUKAT 24:30

Kisukwasik inom sùpùrùk nùogolùk he, hù'lagaikesik sùpùrùk horoti mene ekim wanhikesik he, Ala hai warogo kùrogo it aremnogo sùpùrisasike.

MATÌÙT 14:19

Yogoisasikomo re, wogosi wagaukwama, at Yesùt en apùnì apik amanogo mel yogoisasike: “Pipuk obakwe aroma hù'larìk lani o,” ìlùk yogoisasikomo hù'larìk lagaukwama re, sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo kùrogo re, agoromì ane wanhì lagaukwa mene amanogo nen sùpùrisoagalùk he, wogisasikomo sùpùrisasukwa.

YOHANET 6:23

hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.

LUKAT 22:17

hobuk isoak eken amusu hinago ekimo wanhìkesik he, Ala hai warogo, agoromì wogisìkì logolìk he, mel yogoisasike: “Anggur eken amusu yì nalùk he, an hobuk aike nìkì'lek logopik en, hùlì, at Ala nen awe a'ma hisegein atì hùlì, hobuk negein. Halok, yì waganogo hinokawerek en sùpùrogo nìlìk loageip en ìlùk wokhisìgì o,” ìlùk yogoisasike.

1 TESALONIKA 5:18

Ala a'la nen he, “Hit Karìsùt Yesùt hinom hutik logolìk, yì mene tì mene obogat hesik an hai wa'napi logousak o,” ìlùk akikerek atì nen he, atì'nogoat hagatì logoino.

KALATIA 4:25

He Hagat atì, tom Sinai apùnì Arap mene inaua welagarek mene atì hesik ìgì atì. At Hagat ebe inom, eagwi inom, inatitigeke welagaukwa atì hak, yogotak apùnì o Yerusalem mene atì'nogoat welagaikarek atì.

MATÌÙT 15:36

Yogoisasikesik he, sùpùrùk horoti mene 7 nen aremnogo mel, ikan aremnogo mel, ekim wanhikesik, Ala hai warogo re, eki nen sùpùrùk horoti mene aremnogo kùrogo apùnì logolek amanogo sùpùrisoagalùk, at agoromì ane wanhì lagaukwa mene amanogo wogisasikomo, sùpùrisasukwa.