LUKAT 22:15 - Ala Ane Wene Ket Mene Warogo Wo'ninapike Wene

¹⁵ Hù'lagaukwasik, at en mel yogoisasike: “An yì aik tì aik hiko kolek noasugun atì, oan haga'napì'lek werek kolek, topa wam Paskah hesik yogotak nogoin yì, nagoromì ninom nelo e, ìlùk, na'la walok akìkì lagarìk.

LUKAT 22:15 ပူးပေါင်းရင်းမြစ်များ

LUKAT 12:50

Apùnì yoma ima pelaksìlì'lùgì hake, an yì aik tì aik haga'nabugun mene re, oan werek kolek, na'la weak welagì.

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

LUKAT 22:14

Nasak oba arat asi wagaikomo re, at Yesùt en he, agoromì laksagalùk inayoko hesike mene he'nakìt aike inom lagaukwasik, inom nùogolùk hù'lagaukwa.

LUKAT 22:16

Ninom yìat nalùk hobuk, at Ala nen awe a'ma hisìlìk ebe mene nogoin atì oan werek kolek he, yì mene aike ninom nìkì'lek logogin o, ìlùk eberogoat yogohisìgì,” ìlùk yogoisasikesik he,