LUKAT 21:8 - Ala Ane Wene Ket Mene Warogo Wo'ninapike Wene

⁸ at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

LUKAT 21:8 ပူးပေါင်းရင်းမြစ်များ

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

2 TESALONIKA 2:3

Apùnì aike nen, “Ala ninabìt,” ìlùk, heraksalùk wùlìpìk, at oabùt motok weak mene hobuk Ala nen etu ai'mo laksegein mene a'nogo weinam agìk, atì'nogo tak hagasugun atì nen he, it aike nen yì'nogo ìgìk, tì'nogo ìgìk, ìkì logolìk, lalhinabinogo. Nabìt.

EPESÙT 5:6

It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

MATÌÙT 24:11

Nen, it aike inapeliagat Ala ane yogoisagarek mene negen hagarogo hinoba wìrìk he, apùnì motok apigat lalinabugun o.

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

2 YOHANET 1:7

Atì'nogo hagatì logousak atì re, it apùnì inebe apigat en, “Yesùt Karìsùt atì abat ta'lasi wagì'lek,” ìlùk, lalinaparek mene inebe weinam agaikasik kweangma o yì awì tì awì obogat nùgì atì nen, netawì-hetawìrogo hagatì logousak ìgì atì o. It atì inebe re, Karìsùt inom motok weak logolìk apùnì lalinaparek mene a'nogoat o.

LUKAT 17:23

It apùnì nen he, At a'nogo ebe yoma werek. Hìtha we'ni, ìgìk, Atoma werek a'naga hìtha lani, ìgìk, iko halok he, hina'la nen he, Eberogoat, akalùk hineileken hìtha lagìk, inopolik lagìk, ùgùp o.

MATÌÙT 4:17

Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

ABÌKAKAN 1:3

Wene atì obogat he, heageak haga'lasigin atì nen he, it apùnì aike wene helal waganek mene yì etage salugun mene mel, it aike inasuk holìk, wene atì hologo higit hogo hagatì logogun mene mel, Ala nen inebe hanorinapenem ina'la hai hakogoin o.

YOHANET 8:24

Atì nen he, an nen wene alep yogohisìkì logolìk he, Weak hagatì lagep mene ùkùm hinoba werek kolek wa'lasugun o, ìlùk yogohisìgì a'nogo re, mel hesik ìgì. Hit en an hesik he, At ebe esok motok welagarek meneat o, ìlùk hinetaùken noba hìpìrethogoin lek halok he, ùkùm hinoba werek kolegat wa'lasugun atì nen ìgì o,” ìlùk yogoisasike.

YOHANET 5:43

An nopase nen lakhani wagaikomo wagagi meneat he, hit en an nebe wo'napì lagep lek. Atì'nogo meneat he, at aike okawerek a'la akalùk waga halok enek he, ebe wanugun hinoabùt hikìkì lagì o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

LUKAT 21:7

Wene atì'nogo yogoisasikomo, it en, at Yesùt oba hinok wokhìkì logolìk he, mel yogosukwa: “Noe! Wene yogonisegen a'nogo re, mera nen haga'lasigin. Ebe haga'lasigìlùk iko kolek he, kì mene tak haga'laganem ninetaùken wekelasigin,” ìlùk yogosukwama,

LUKAT 21:9

It aike nen, Weim yabì'lùgì, ìgìk, Inebe omakeat mene nen holim hìbìrogo mùk hogo wulaksìlì'lùgì, ìgìk, ìlùk iko halok he, hina'maken lìlìk hinetaùken abolok ùgùp o. Emakum agìk atì'nogo haga'lasigin meneat he, o wùrep oba haga'lasigin mene atì re, hepok haga'lasigin lek o,” ìlùk yogoisasikesik he,

YOHANET 8:28

Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.

1 KORÌTÙT 6:9

Apùnì weak hagarì'lùgì mene Ala awe a'ma hisikere'ma atì esewerek asugun lek o, ìlùk he, hinokot nogo? Hinokawerek en lalagùp. Pailak haksagarek mene mel, tùgì hareken oba hìpìrìk logolìk hogoratarek mene mel, ap inagagwì mene pailak haksagarek mene mel, ap en hìmì haksagarek hak it ap-ap haksagarek mene mel,