LUKAT 21:36 - Ala Ane Wene Ket Mene Warogo Wo'ninapike Wene

³⁶ Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

LUKAT 21:36 ပူးပေါင်းရင်းမြစ်များ

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

MATÌÙT 25:13

Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

MATÌÙT 24:42

Atì'nogo haga'lasigin atì nen, hit en he, Ninoe Etagepogot mera wesigin, hinokot atì nen he, hinepe hebelogo logoino o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

1 KORÌTÙT 16:13

Hinepe hebelogo logolìk he, hinetaùken Ala oba hìpìrethìlìk, metegat logoino o. Hinoabùt abat logolìk he, hinomamerogo logoino o.

LUKAT 18:1

Atì'nogo yogoisasikesik he, at Yesùt en agoromì ane wanhì lagaukwa mene amanogo sapan ìkì logopik ina'la pùk arìk herakhìgì'lek, hutik-hutigat ìkì logouagalùk, wene aike oba lìrogo mel yogoisasike:

MAREKÙT 13:33

Mera haga'lasigin hit hinokorat atì nen he, hinoabùt hebelogo kagalek logoino o.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

MATÌÙT 26:41

Weak hagasuagalùk hina'la kagali wesinogo ìlùk, hinepe hebelogo logolìk he, sapanat ìkì logoni o. Hina'la nen elok hagasusak ìlùk akìkì lagep meneat he, hinebe nen atì'nogo hagasusak he, mea o,” ìlùk yogoisasikesik he,

1 TESALONIKA 5:17

Sapan hutik motok iko logoino.

MAREKÙT 13:37

hinoabùt hebelogo logoino o, ìlùk hit yogohisìgì yì re, apùnì inebe obogat hinomat yogohisìgì o,” ìlùk yogoisasike.

2 TIMOTÌÙT 4:5

It atì'nogo hagato kolegat he, hat he, yì mene hesik, tì mene hesik hoabùt hebelek logolìk, hoba yì aik tì aik hìkì logolìk, hepe morogoat logoino. Hano wene yakùlisìlìk negarek atì meneat esinethìlìk he, Ala nen, “Tì'nogo leberisìkì logoino,” ìlùk, hayoko hesike mene atì aike heraksìgì'legat higit hogo hagatì logoino.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.

LAKSASIKE 10:2

At Ala ayùk hogo logolìk againapùrì inom en hogoratì lagaukwa. Logolìk he, it apùnì Yahuri mene amanogo aike inekimo lek inelageik mene hùkorogo leberisìkì logolìk, sapan kamo ìgì'lek iko motok welagaike.

LUKAT 20:35

it apùnì wa'larì'mo nen, Ala nen inelugurinabìk oba nen, o hobuk logogun oba atì re, elok logouak, ìlùk akikerek mene hùgì atoma logolìk, hìmì ìkìgik, it aike ìgisìgìk, ìkì logogun motok lek o.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 24:43

Nen, ap awì esewerek mene aike a'la nen he, O yogotak hùako re, jam tì ba an naua yoma ap aike yogot wanigìlùk kì wesigin, ìlùk, elu logoilepma re, at ebe aua atì kagalek motok were'ma, o pin talogo yogot wani kilep lek, ìlùk, hineluat akìgì.

MATÌÙT 24:44

Atì hak he, hit hina'la nen he, At tì sat wesigin, ìlùk, akìgì'lek wonogat werek kolek, an abat ta'lasi wagagi a'nogo re, arat wesigin atì, hinebe tegelek logoino,” ìlùk yogoisasike.

LUKAT 1:19

at malaikat a'nogo nen he, “An Ala eilhanem metek welagìrek mene netage Kapiriel atì nebe anat o. Hano wene yì yogohesuagalùk, at Ala nen yoko lakhani wagama wagì o.

LUKAT 21:35

paik sa'na nen al lebelogo waterek hak, an wene ìgì atì omake like hagatì logolìk, apùnì kweangma mene obogat motogat weagarinapì logolìk, hit hinom weagathinabinogo nen he, hinepe hebelogo logoino.

2 KORÌTÙT 4:14

Atì'nogo yogoisìkì logolìk, nina'la mel akìkì lago. At Ala nen he, ninoe Etagepogot Yesùt apotkwe eluguthesike atì hak, nit at ninom higit hogoat ninelugu'ninabìk he, hit ninomat Yesùt oba hina legein ìlùk ninelu.

ABÌKAKAN 7:9

Atì'nogo hìgìrìk oba nen, opolik neileken isìgì re, yì apùnì tì apùnì inùkùl etage lopok, inogat lopok, inawì lopok, inane lopok, su kut uatek laberek mene, apùnì nen etawì watì logolìk, yapeka hukalogo inekimokwe wanharek atì hak, e eka mene inekimokwe wolok, Ala kain welagarek obùlùk oba atoma Topa Eak eperak were'ma ineilhanem atogorek inebe hùlì yì ba ìlùk, ineki wenasusak motok mea logolìk, inane hùkorogo mel ìkì lagaika:

ABÌKAKAN 8:2

Atì'noga welagasik en, hobuk neileken lakhìgì hak he, malaikat inebe 7 nen Ala nen pìkon ane hake mene hake ebe 7 nenat wogosikomo, at elokoma metek were'ma isìgì.

ABÌKAKAN 11:4

It ap inebe pìre atì re, e saitun pìre mel, esage kìalhùkwe esok telik pìre mene mel, ninopase Etagepogot yì mene tì mene obogat esewerek welagarek mene a'nogo elokoma welagaikarek a'nogo, it ap atìat o.