LUKAT 21:34 - Ala Ane Wene Ket Mene Warogo Wo'ninapike Wene

³⁴ At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

LUKAT 21:34 ပူးပေါင်းရင်းမြစ်များ

MAREKÙT 4:19

ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetì logolìk, inokawerek en lalìgìk, ina'la nen yì mene tì mene aike walok akìgìk, egarek atì nen he, wene atì ina'la kakil arìk he, eken ìterek lek atìat o.

LUKAT 12:40

Atì hak he, hit hina'la nen he, At tì sat wesigin, ìlùk akìgì'lek wonogat werek kolek, an abat ta'lasi wagagi a'nogo re, arat wesigin atì, hinebe tegelek logoino o,” ìlùk yogoisasike.

1 KORÌTÙT 6:10

yogot wanharek mene mel, inamì'mìk weak hagatarek mene mel, amusu lùgùlùgì paluogolùk nekarek mene a'nogo niko motok welagaikarek mene mel, inane aik weak wenagisagarek mene mel, ineki abusak wanharek mene mel, it apùnì atì'nogo hagatarek mene atì obogat Ala awe a'ma hisikere'ma atì esewerek asugun motok lek o.

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

KALATIA 5:20

tùgì hareken oba hìpìrìk logolìk hagatìk, apùnì aike inebe weak asuagalùk wesarogo hagatìk, apùnì aike inom weim palek hagatìk, serep agìk, ua palhìk, ina'mage hakoksek welagìk, inokawerek hesik enek esin hogo hagarìgìk, apùnì inebe omakeat mene inom hùlì-hùlì hagatìk, hek-hek hagatìk,

1 KORÌTÙT 5:11

Atì'nog'o yogohisasigi atì re, wene ebe yì'nogo. At aike nen ìkì logolìk he: “An hinagaiyak Ala apurat o,” ìlùk ìkì logolìgat he, pailak haksìgìk, amì'mìk weak hagatìk, tùgì hareken oba hìpìrìk logolìk hogoratìk, ane aik weak wenagisìgìk, amusu lùgùlùgì paluogolùk nekarek a'nogo mene niko motok welagìk, apùnì lalinapìk, ikerek mene atì hake mene hinebe hinom lapuk hogo logousak legat, sùpùrùk hinom nìkì logousak legat, ìlùk yogohisasigi akìgì.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

LUKAT 21:8

at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

LUKAT 17:3

Halok he, hinebe elelerogo re, hinepe hebelogo logoino o. Hit hinerùgì hinagaiya'lak aike weak hagato halok he, asuk wa'no o. Asuk watì logoumo, oabùt hebelhe halok he, weak hagate mene atì sagalogo legetsano.

LUKAT 10:41

at Yesùt en he, mel yogosike: “Mareta. Hat he, yì mene tì mene hesik halabut hìrogo seget apik hagatì lagen hìgì. Meneat he, wene omakeat mene hagasusak werek kolegat he, hat en yì mene tì mene hagatì lagen. Hagot Maria yì re, wene hano mene omakeat atìat weteberogo eserakikesi'mo re, Heraksan ìlùk yogosusak motok mea o,” ìlùk yogosike.

LUKAT 8:14

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

MAREKÙT 13:9

Atì'nogo hìkì logolìk, hit he, hinoabùt hebelogo logoino. Apùnì aike nen he, hineki hele warogo ap kaintek en hinanema wanuagalùk inoba wokhisek lagìk, o apùnì Yahuri mene sapan egarek oba nen tùgì hinoatìk, ugun o. Atì'nogo ìlìk he, It yì Yesùt agoromì, ìlùk, it ap pemerintah mene kaintek inom, inetage pogot inom, ùkùm hinoba houagalùk inelokoma menhikamo, atì sat hanoasuak, an hagatenem hineileken nììkì lagep mene pak hogo yogoisogoin.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

2 PETERÙT 3:10

Atì'nogo werek meneat he, apùnì wonogat werek kolek yì mene tì mene yogot wani kagarek atì hak, ninoe Etagepogot wesigin atì, atì'nogoat wesigin o. Atì like, pogot ebe omake hesigat sogoi ane hake ìlìk ìlìk lek agìk, yì mene tì mene pogot oba welagarek mene ero inomat etu nìkìk, kweang ebe mel, yì mene tì mene kweangma welagarek mel, obogat lek agìk, ìgìn o.

LUKAT 21:35

paik sa'na nen al lebelogo waterek hak, an wene ìgì atì omake like hagatì logolìk, apùnì kweangma mene obogat motogat weagarinapì logolìk, hit hinom weagathinabinogo nen he, hinepe hebelogo logoino.