LUKAT 21:12 - Ala Ane Wene Ket Mene Warogo Wo'ninapike Wene

¹² “Mene re, atì obogat oan haga'lagì'lek werek kolek he, emakum agìk he, apùnì nen hinebe hakhikìlik, yì aik tì aik hagathinapìk, o sapan egare'ma wokhisek lagìk, hele warogo hisagare'ma kelakhikìgik, ap inetagepogot mel, ap kain gubernur lak mel inoba wokhisek lagìk, ugun atì re, it en he, an netage ìkì logolìk, Hit at agoromì, ìlùk atì'nogo hagathinabugun o.

LUKAT 21:12 ပူးပေါင်းရင်းမြစ်များ

1 PETERÙT 2:13

At Ala nen he, hit mel hagatì logouagalùk a'la akasike. Apùnì inetaùken lek mene nen wene inokot logolìk ìlì'lùgì atì, inekalì arìk inane lek asuagalùk, hit hinoabùt hano hagatì logouagalùk akasike atì nen he, ninoe Etagepogot hesik, apùnì nen pemerintah mene kain logouagalùk menhisasukwa mene atì, inebe obogat inawe a'ma kìlìk inane hologo hagatì logoino o. Atì'nogo hagatì logolìk, Kaisat etagepogot pemerintah mene kain esin hake atì mel, at en it gubernurlak apùnì weak hagatenem ùkùm inoba hìgìk, hano hagatenem hogorinapìk, hagatì logouagalùk inayoko hìlìk laksa wagarek mene atì mel, inane hologo hagatì logoino o.

LAKSASIKE 22:30

Hùenkwe, it ap tentara esa logolhì lagaukwa mene inoe kain a'nogo nen, “It apùnì Yahuri mene nen ap yì ùkùm nìkì'nogo mene oba hìlì'lùgì. Wane tùkùm hogo nelu asusak mane,” ìlùk wene ero herasuogolùk, it ap Ala esewerek inogogì kaintek amanogo mel, ap Yahuri Ala hesik wene ero pìlìngìtì lagaukwa mene amanogo mel, atogosuagalùk inayoko hesikomo atogosukwama re, Paùlùt eki hikalogo hìlìk it inoba wolok lagaikesik he, inelokoma menhesike.

LAKSASIKE 9:4

Yasi pi waganem he, at Saùlùt a'nogo kweangma tukwak hogo lagaike. Laganem he, at aike nen yogotì logolìk he, “Saùlùt. Saùlùt. Anat yì aik tì aik haga'nabigìlùk mù'narek nìkì lagen atì nahalok,” ìlùk yogosike.

LAKSASIKE 8:3

Ala againapùrì atì'nogo wulaksìkì logolìk, at Saùlùt a'nogo Ala againapùrì mene wùlì tagalinabigìlùk he, inauakwe lopok ya kìgìk, ta kìgìk, ìkì logolìk, ap lek, hìmì lek ineki lisogo wogisek h, o apùnì ineki hele warogo hisagarek oba hisa laga lagaike.

LAKSASIKE 5:40

Inetaùken sebelhikomo, it ap Yesùt en inayoko hìlìk laksasike mene amanogo waisasukwama kisukwama re, tùgì inoasukwasik en, “Yesùt atì etage palogo, wene hobuk atì'nogo yogoisìkì logogùp o,” ìlùk inasuk warogo wulaksasukwa.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

MATÌÙT 22:6

it aike nen, at kain atitigeke laksasike mene amanogo inebe haksìlìk tùgì inoarìk he, inebe motok inoatìk, isukwa.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

MATÌÙT 24:8

Meneat he, atì re, hìmì omalik taginabuogolùk inapot heinet watarek atì hak, alebagìk hogoin he, atìat o.

LUKAT 21:11

lugul hùko inayùk mene langathìgìk, o yì awì tì awì sùpùrùk motok no agìk, ou oabùt weak mene inoba agìk, yì mene tì mene inayùk mene haga'lagìk, pogot oba nen hagasusak lek mene elalagìk, igin o.

YOHANET 15:21

Atì'nogo meneat he, it en, at an lakhani wagaike mene a'nogo ebe inokot atì nen he, It yì at agoromì, ìlùk, wene yogohisìgì atì obogat hagathinabugun o.