LUKAT 20:21 - Ala Ane Wene Ket Mene Warogo Wo'ninapike Wene

²¹ Laksa wagaukwama, Yesùt oba wagaukwasik he, hinok wokhìkì logolìk, mel yogosukwa: “Noe! Hat he, wene yakùlisìkì logolìk apùnì aike helokoma hisìgìk, aike hapotma hisìgìk, egetek lek. We, hane higit hogoat ìkì logolìk, Ala a'la nen he, Apùnì tì'nogo hagatì logouak, ìlùk a'la akikerek mene eberogoat yakùlnisìkì lagen atì, nit ninelu o.

LUKAT 20:21 ပူးပေါင်းရင်းမြစ်များ

MATÌÙT 22:16

Abok palhì lagaukwasik he, ap it inagoromì inane wanhì lagaukwa mene mel, it ap Herotet werekwe mene mel, Yesùt oba wene hinok wanuagalùk laksa wagaukwama it atì wagaukwasik he, mel yogosukwa: “Yesùt noe. Hat hoabùt he, wene eberogoat enek ìkì logolìk, Ala a'la nen, Apùnì tì'nogo hagatì logouak, ìlùk akikerek mene eberogoat yakùlnisìkì lagen atì nit ninelu o. Apùnì inebe hayù'legat logolìk inelokoken oba nek isìlìk he, aike helokoma hisìgìk, aike hapotma hisìgìk, egetek lek hììkì lago.

KALATIA 1:10

An nane ìgì atì re, apùnì nen, “Hat hano egen,” ìlùk yogonesuagalùk ìkì lagi a? At he, Ala nen, “Hat hano egen,” ìlùk, yogonesuagalùk ikì lagì a. Apùnì ina'la hanorogo ìkì lagì halok he, an nebe Karìsùt atitigeke usak legat o. Mene re, an Ala a'la hanorogo ìkì lagì o.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

MAREKÙT 12:14

Laksa wagaukwama, wagaukwasik he mel yogosukwa: “Noe. Hat hoabùt he, wene eberogoat enek ìkì logolìk, apùnì inelokoken oba nek isìlìk, aike helokoma hisìgìk, aike hapotma hisìgìk egetek lek. We, inebe hayùk legat logolìk he, Ala a'la nen, Apùnì tì'nogo hagatì logouak, ìlùk akikerek mene eberogoat enek yakùlnisìkì lagen atì nit ninelu o. Halok he, nit Yahuri mene hagatorek higit hogo, uang pemerintah hesik, kain etagepogot Kaisat wogosusak elok a? Mea a. Wogotì logouok a? Kamo ìkì logouok a,” ìlùk hinok wanhukwama,

KALATIA 2:6

It aike ina'la nen he, “Inetagewerek he, it atem,” egarek mene atì nen wene an yogoisìlìk nìgìrek mene a'nogo hobuk hùnogoat yogoisìlìk nìkì logouak en ìlùk yogonetì'legat. Ala nen apùnì inogat etakwe nek eileken isìlìk he, “Yì weak. Yì hano,” ìlùk ikerek lek atì nen, an it atì hesik alebat inetagewerek welagaika mene he a? Lek mene he a, ìlùk, wenesùgì ebetì lagagi lek atì.

LUKAT 20:20

Kamo isukwasik hobuk, at en ane igin oba ebe eken hìlìk, at gubernur apùnì hagisek logolìk ùkùm inoba hìgìk, kotik, ikerek esewerek mene nen ùkùm oba houagalùk, ap aike inoabùt hano salek Yesùt ineil wani loagalùk laksa wagaukwa.

LUKAT 20:22

Halok he, nit Yahuri mene hagatorek higit hogo, uang pemerintah hesik, kain etagepogot Kaisat wogosusak elok a? Mea a,” ìlùk yogosukwama,