LUKAT 20:14 - Ala Ane Wene Ket Mene Warogo Wo'ninapike Wene

¹⁴ Lakhei wagaikomo waganem, it ap yabu serogo welagaukwa mene amanogo ineileken lakhasukwasik it-it ìkì logolìk he, mel isukwa: Opase obùlù'mo yabu esewerek asìgìn mene a'nogo ebe waga a'lì. Halok yabu yì nirat esewerek asuok en he, ebe wasuok o, ìlùk,

LUKAT 20:14 ပူးပေါင်းရင်းမြစ်များ

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

LUKAT 22:2

it ap Ala esewerek mene inogogì kaintek mel, Ala ane helal waganek esewerek mene mel, apùnì obogat inayùk en he, Yesùt ùkùm nìkì'nogo oba hìlìk wasuok he, ìlùk weim abok ìkì lagaukwa.

LUKAT 20:19

At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he, “Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa.

LUKAT 20:5

it-it ìkì logolìk he, “Ala pogot oba mene nen yakùlesikomo pelaginapì lagaike, ìlùk yogosumo re, at en he, Halok he, hit en Yohanet ane eberogoat ìlùk hùthìgì'lek welagagip atì nenahalok, ìlùk yogonisanogo.

LUKAT 19:47

Atì'nogo yogoisìlìk he, at Yesùt en ninhùp-nanhùp Ala awì wùrì'mo wene yakùlisiko motok welagaike. Atì'nogo yakùlisikenem, it ap Ala esewerek inogogi kaintek inom, Ala ane helal waganek esewerek mene inom, Yahuri mene kaintek inetagewerek mene inom en, “At Yesùt ebe nìkì'nogo wasuok,” ìlùk abok palhì lagaukwa.

MATÌÙT 21:25

Ma re, at Yohanet en apùnì ima pegalinapì lagaike a'nogo re, Ala pogot oba mene nen yakùlesikomo pegalinapì lagaike a? Ì a, at he, apùnì kweangma mene nen yakùlesukwama pelaginapì lagaike a. Yogone'ni ta!” ìlùk yogoisasikomo, it-it ìkì logolìk he, mel isukwa: “Pogot oba mene nen yakùlesikomo pelaginapì lagaike, ìlùk yogosumo re, at en he, Halok he, hit en Yohanet ane eberogoat ìlùk hùthìgì'lek welagagip atì nenahalok, ìlùk, yogonisanogo.

MATÌÙT 16:7

Atì'nogo yogoisasikomo, it-it ìkì logolìk mel isukwa: “Sùpùrùk horotì mene aike wolok wagì'lek atì nen ike hìgì,” ìlùk ikenem

MATÌÙT 21:34

Lagaikesik werek kolek, eken ìtenem palharek oba higit asi agaikomo re, ap eyabu esewerek mene a'nogo nen, atitigeke mene aike it ap serogo logouagalùk hisasike mene amanogo nen anggur eken aike wogosuagalùk, inoba laksa wagaike.

LUKAT 20:13

Atì'nogo motok hagarinapukwama re, at kain eyabu esewerek mene a'nogo a'la nen he, Hobuk he, nìkì'nogo hagasik he. An nokawerek naput netaùken hutik mene yìat inoba lakhoumo re, inane agauk hogo hai warogo wanugun akìkì lagì, ìlùk akasikesik lakhei wagaike.

LUKAT 20:15

aput a'nogo yabumo nen legeta'ma po wulaksasukwasik he, ebe motok wasukwa. It atì'nogo hagasukwa atì nen he, ap kain eyabu esewerek mene atì nen he, it ap atì nìkì'nogo hagarinabigin akegep.