LUKAT 2:49 - Ala Ane Wene Ket Mene Warogo Wo'ninapike Wene

⁴⁹ at Yesùt en he: “Hit an hera'nabìk nìkì lagep nahalok. An nopase awì wùrì'mo logousak ìlùk hinokot nogo?” ìlùk yogoisasike meneat he,

LUKAT 2:49 ပူးပေါင်းရင်းမြစ်များ

YOHANET 8:29

At lakhani wagaike mene a'nogo, oba lìok ikerek mene nek hagatìrek atì nen he, at en an nebe kopologo herakhanhì'lek neperak hutik motok welagorek o,” ìlùk yogoisasike.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

LUKAT 2:48

Atì'nogo hogoratenem, it at agosa opase eperak en ebe arat herasukwasik he, “Nayùk e!” ìlùk hogorasukwa. Hogorasukwasik agosa nen he, mel yogosike: “Neak, hat yì'nogo haga'ninapen nenahalok. Hopase neperak ninalabut hìrìk herakhabìk nìkì lago yì heileken nisan,” ìlùk atì'nogo yogosikomo,

YOHANET 5:17

Atì'nogo isukwa meneat he, at Yesùt en mel yogoisasike: “An nopase eki aike kamo ìgì'lek, o yogotak yì inomat hagarinapo motok welagarek atì hak, an atì'nogoat hagarinapo welagì o,” ìlùk yogoisasikomo,

MATÌÙT 21:12

Atì'nogo isukwama, at Yesùt Ala awì wùrì'mo kisikesik he, it apùnì Ala awì wùrì'mo kìlìk logolìk, yì mene tì mene oko wanhìk, palhìk, ìkì lagaukwa mene heleleng hogo mùk hogo mak hogo eta'ma wulaksìgìk, it aike uang e talek oba hìlìk okotì lagaukwa mene mel, it aike e talogo inebe hùrek logolìk sùe pel hake mene oko wanhì lagaukwa mene mel, e talek mene atì abel eten-haten hogo potsìgìk, ìlìk lagaikesik he,

YOHANET 9:4

aike mel yogoisasike: “Hobuk o mùm asigin o. Atì'nogo mum aganem, apùnì aike nen yì mene tì mene hagasusak mea asigin atì nen he, at lakhani wagaike mene hagaterek mene atì, o yogotak o lìa werek kolek ya baat hagatì logouok o.

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.