LUKAT 2:47 - Ala Ane Wene Ket Mene Warogo Wo'ninapike Wene

⁴⁷ Atì'nogo ìkì logolìk, it en hinok wanhenem, at wene motok elu logolìk oko yogoisasike atì nen he, it ap atogorek welagaukwa mene amanogo obogat ane inasuk holhukwasik he, “Nayùk e!” ìlùk hogorasukwa.

LUKAT 2:47 ပူးပေါင်းရင်းမြစ်များ

MATÌÙT 7:28

Yesùt en wene atì'nogo ìlìk waga lagaikesik wene elùgùn warogo isikomo re, it apùnì apik amanogo nen he, “Egi! Wene ike atì, it ap Ala ane helal waganek esewerek mene nen yogonisagarek hake ìlì'logo lek o. We, at en he, wene ebe esewerek mene nen u hak ike atì, nayùk e!” ìlùk hogorasukwa.

LUKAT 4:32

Yakùlisìkì logolìk, wene ebe esewerek mene nen egarek hak ikenem en, it amanogo nen he, “Nayùk e!” ìlùk hogoratì lagaukwa.

YOHANET 7:15

Yakùlisikenem he, it ap kaintek Yahuri mene nen he, mel isukwa: “Egi! Nayùk e. Ap yì sekola hagatì'lek meneat he, yì wene tì wene yoma nìkì'nogo nen elu aga akegep,” ìlùk isukwama,

MAREKÙT 1:22

Yakùlisikenem he, it apùnì amanogo nen he, mel isukwa: “Ap Ala ane helal waganek esewerek mene nen yogonisagarek hake ìlì'logo lek o. We, at en he, wene ebe esewerek mene nen u hak ìlì'logo atì, nayùk e,” ìlùk hogorasukwa.

YOHANET 7:46

it en he, mel yogoisasukwa: “Egi! Wene at en ìlì'logo atì hak he, it ap aike nen wene atì'nogo ikenem isogorek lek meneat he, at en wene hùnogoat ìlì'logo atì nen ebe hehogo o,” ìlùk, yogoisasukwama re,

LUKAT 4:22

it apùnì amanogo nen he, mel isukwa: “At yì ap Yùsùp aput a'nogo lek nogo? Arat o. Meneat he, at en wane hano motok yakùlnisike atì nayùk e,” ìlùk hogorasukwa.

MATÌÙT 13:54

at okawerek aua ero ba lagaikesik, o apùnì Yahurì mene sapan egarek oba kìlìk wene yakùlisikenem, it apùnì inasuk holhukwa mene nen he, mel isukwa: “Egi! Nayùk e. Ap yì a'la motok kagalek atì, wene ka nen yakùlìlùk waga. Nen, yì mene tì mene elalinat hagarìk niko atì, koma nen yakùlhesik hagarìk niko.

MATÌÙT 22:33

it apùnì apik amanogo inasuk holhukwasik he, “Egi! Nayùk e,” ìlùk hogorasukwa.

MAREKÙT 6:2

Lagaukwasik he, ineki sabìt Oba Ala hesik welegat logolìk he, o apùnì Yahuri mene sapan egarek oba inebe logolegat were'ma inoba kìlìk, wene yakùlisasike. Yakùlisikenem, it inebe logolegat amanogo nen he, mel isukwa: “Egi! Nayùk e. Ap yì atì'nogo hagarìk niko atì re, koma nen yakùlhesik hagarì'logo. A'la motok kagalek atì, wene nena wene a'la logolìk yogonisìlì'logo. Eki hagisikenem elalinat hagarinabì'logo atì, nìkì'nogo hagarinabì'logo.

MAREKÙT 11:18

Inasuk watenem, it ap Ala esewerek inogogì kaintek inom, Ala ane helal waganek esewerek mene inom en wene atì inasuk holhukwasik he, Yesùt wasuogolùk weim abok isukwa. Weim abok isukwa atì re, Yesùt en wene yakùlisikenem apùnì logolegat at ane holhìk hogoratì lagaukwa atì nen, at ebe inayùk arik he, wasuogolùk isukwa atì.

LUKAT 2:46

Pisukwasik, herarìk ineki pìre nìkì lagaukwasik en, hobuk ineki aike nen hìthasukwa re, at ebe Ala awì wùrì'mo kìlìk, it ap Ala ane yakùlisagarek mene inom inekele'ma hùrek logolìk, it amanogo inane ikenem asuk holhìk, it en ikenem at en oko ìgìk, hinok wanhìk, ikenem herasukwa.

LUKAT 2:18

Atì'nogo yogoisasukwama, it apùnì atoma inasuk holhukwa mene obogat en, mel isukwa: “Egi! Nayùk e,” ìlùk hogorasukwa.