LUKAT 2:40 - Ala Ane Wene Ket Mene Warogo Wo'ninapike Wene

⁴⁰ Lagai wagaukwasik logolìk, yekerek a'nogo alùge aga logolìk, ebe omame agìk, etaùken motok kagalek haga'lagìk, ìkì lagaikomo, Ala nen agaugeratì lagaike.

LUKAT 2:40 ပူးပေါင်းရင်းမြစ်များ

LUKAT 2:52

Nen, at Yesùt atì'nogo logolìk, ebe alùge agìk, a'la kagalek motok haga'lagìk, iko kolek, opase Ala mel, apùnì mel, at hesik inoba lìok ìkì lagaike.

LUKAT 1:80

Nen, at Sakaria aput a'nogo ebe alùge arìk etaùken motok wurik agaikesik, apùnì Isirael mene oan eileken isa lagì'lek logolìk he, leimo apùnì motok le'ma atoma welagaike.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

LUKAT 2:47

Atì'nogo ìkì logolìk, it en hinok wanhenem, at wene motok elu logolìk oko yogoisasike atì nen he, it ap atogorek welagaukwa mene amanogo obogat ane inasuk holhukwasik he, “Nayùk e!” ìlùk hogorasukwa.

2 TIMOTÌÙT 2:1

Timotìùt naput e. Nit Karìsùt Yesùt ninom hutik were'ma, Ala oabùt hano nen wo'nisikerek mene atì ba hetaùken wurik hogo logoino.

EPESÙT 6:10

Wùrep oba re, wene yì yogohisak. Ninoe Etagepogot hinom hutik logolìk he, at omame apik a'nogo ba, hinomame haga'larik logoino.

LAKSASIKE 4:33

Atì'nogo ìkì logolìk he, it ap Yesùt en inebe weteberogo inayoko hìlìk laksasike mene amanogo nen, “Ninoe Etagepogot Yesùt eluk agama nineileken arat hogo o,” ìlùk inane motok omamerogo yogoisìkì lagaukwa. Yogoisiko kolek he, Ala oabùt hano a'nogo nen hùkorogo leberisìkì lagaike