LUKAT 2:13 - Ala Ane Wene Ket Mene Warogo Wo'ninapike Wene

¹³ Atì'nogo yogoisiko kolek aremnogoat he, malaikat pogot oba nen yoko pelaksa wagarek mene inebe motok apik ka nen heat weinam agaukwasik he, at malaikat aike a'nogo inomat Ala hogoratì logolìk mel isukwa:

LUKAT 2:13 ပူးပေါင်းရင်းမြစ်များ

ABÌKAKAN 5:11

Etawì atì'nogo watasik oba nen, hobuk aike yì'nogo lakhìgìat. At Ala kain welagarek obùlùk a'nogo ho, it Ala nen elalinapikomo ineluk welagaikarek mene amanogo ho, ap inalùgetek amanogo ho, inom tùlem werek kolek, inera'lukwe yìlìng-walìng he, it malaikat esa yì teng tì teng ineki wenasusak motok mea mene logolìk inane hùkorogoat mel ìkì lagaika:

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

1 PETERÙT 1:12

Hinok wanhenem, at Ala nen he, “Wene atì re, hit hinokawerek hesik he, lek o. It hobuk oan mene hesik hagatì lagep o,” ìlùk hit hesigat isike. Atì'nogo yogoisasikesik welagaikesik en, hobuk Ala Areagùn pogot oba nen pelakhei wagaikomo, it ap hano wene Yesùt Karìsùt hagasike wene a'nogo yogohisoagalùk ina'la logolìk yogotak pak hogo yogohisìlì'lùgì ebe atì hesik ìkì lagaukwa atì. Wene atì, it malaikat Ala nen yoko pelaksa wagarek mene amanogo nen he, “Eige, nit wene atì tùkùm hogo ninelu a'lo e,” ìlùk akagarek.

LUKAT 2:12

Ebe enagat hineileken hìlìk huthoageip en he, omalik ketago mene su kain mene ba ìkìlogo e sang wam apùrùk nikerek oba hagasik werek a'naga ha logoin o,” yogoisasike.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.