LUKAT 2:11 - Ala Ane Wene Ket Mene Warogo Wo'ninapike Wene

¹¹ Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

LUKAT 2:11 ပူးပေါင်းရင်းမြစ်များ

MATÌÙT 1:16

Yakùp en Yùsùp, he Marìa agùn a'nogo, tatìk, he Marìa nen he, Yesùt nit en Karìsùt ìkì lago a'nogo tatìk, ero ba nen taginabìk wagaukwa.

MATÌÙT 1:21

Omalik atì ebe abat tasigin o. Tasumo re, at en oe agot weak hagarìlùgì mene korogo wìlìk telinabigin o, ìlùk etage Yesùt salino,” ìlùk yogosike.

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

MATÌÙT 16:20

Atì'nogo yogosikesik, agoromì amanogo obogat mel yogoisasike: “Hit en an nebe hesik he, At atì Karìsùt, Ala nen telninabuagalùk lakhei wesigin, ìlùk abok yogonisasike a'nogoat o, ìlùk apùnì aike motok yogoisagùp o,” ìlùk inasuk wasike.

LUKAT 1:43

Nen, hat hebe an noe Etagepogot agosa nen nea wagen yì nayùk e!

LUKAT 1:69

Telninabuagalùk he, at atitigeke Taùt en tagokwe mene omame werek mene menhikomo werek yì.

LUKAT 2:26

Atì'nogo oba louk i wagaikesik, mel yogosike: “Hat hebe wa'lagì'lek werek kolek, ap kain aike ninopase Etagepogot en menhìlìk lakhei wesigin isike a'nogo waganem heileken halùk en wa'lasigin o,” ìlùk, abok yogosikesik he,

LUKAT 2:4

Nen, at Yùsùp hogo re, Taùt en tagokwe mene nogo nen he, o Kalilea tokwe kota etage Nasaret atì nen he, o Yurea ap Taùt ta'lagaike ba, o kota etage Pe'lehem pigìlùk, at Maria eperak lopolek welagaukwa a'nogo eak a'ma were'ma eperagat inetage helal wanuagalùk pisukwa.

YOHANET 1:41

Yesùt opolik lìlìk inom welagaukwasik he, at Atereat atì tak oe Simon a'nogo herarìk lagaikesik, eperak apì agaukwasik he, mel yogosike. Nit ninane ba Karìsùt apùnì telninapùkwe Ala nen ayoko hìlìk lakhei wesigin isike a'nogo u hak he, it inane ba, Mesiat ìlùk, “Mesiat a'nogo nit arat ninom apì ago,” ìlùk, yogosike.

YOHANET 1:45

Opolik laga logolìk, at Pilipùt a'nogo hobuk ap Nataniel eperak apì arìk, mel yogosike: “Nataniel. At Musa nen wene Ala nen ninasuk wasike wene a'nogo ba, ap aike abok ìkì logolìk helal wanhìk, nen, it ap Ala ane yogoisìkì lagaukwa mene amanogo nen abok ìkì logolìk helal wanhìk, isukwa mene a'nogo, nit arat ninom apì ago. At ebe re, Yùsùp aput o Nasaret mene Yesùt at o,” ìlùk yogosike meneat he,

YOHANET 11:27

at Mareta nen he, mel yogosike: “Noe. Hat hebe Ala aput Karìsùt, Ala nen wenagasogo menhìlìk lakhei wesigin isukwa a'nogo, harat ìlùk, hùthagagì o,” ìlùk yogosike.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 4:25

Atì'nogo yogosikomo, at he a'nogo nen he, mel yogosike: “Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

YOHANET 7:41

it aike nen he, “Lek o. Apùnì telninabuagaluk Ala nen lakhei wesigin isike a'nogoat o,” ìlùk isukwa meneat he, it aike nen he, mel isukwa: “Apùnì telninabuagalùk Ala nen lakhei wesigin isike a'nogo, o Kalilea nen elok wesusak nogo? Mea o.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 13:23

Nen aike re, alebat at Ala nen he, Hit apùnì Isirael mene telhinabuagalùk, at Taùt en tagokwe mene aike wokhisegein, ìlùk wene warisasike atì hagat, ebe Yesùt menhìlìk wogisasike atì.

LAKSASIKE 17:3

Ala ane helal waganek a'nogo ba sekek hogo yogoisìkì logolìk, mel yogoisìkì lagaike: “At Karìsùt Ala nen lakhei wesigin ìlùk isukwa a'nogo re, yì aik tì aik hìlìk hìlìk wa'larìk en, eluk asigin, ìlùk isukwa. It isukwa atì hagat, at Yesùt hagasike wene abok yogohisìkì lagì mene yì, hagasusak higit hogoat hagasikomo. Ala nen lakhei wesigin ìlùk isukwa atì, ebe re, Yesùt atìat o,” ìlùk yogoisasike.

LAKSASIKE 2:36

At Yesùt ebe re, hit en e ba menhìlìk watepma, at Ala nen he, Hinoe Etagepogot Karìsùt ebe yìat, ìlùk menhike atì. Halok he, hit apùnì Isirael mene obogat en he, Wene atì eberogoat, ìlùk hinelurogo logoino,” ìlùk yogoisasike.

LAKSASIKE 5:31

Eluguthikomo werek atì, apùnì Isirael mene weak hagarì'lùgì mene atì heraksìlìk inoabùt hebelasumo re, Ala nen it weak hagatarek mene atì sagalogo legetsagalùk, Yesùt ebe eluguthikesik he, at ebe ninoe Etagepogot logolìk telninapì logouagalùk era'lu menhikomo werek atì.

1 KORÌTÙT 15:47

Ala nen emakum ap Aram atì ebe kweang lobulongeke mene elalhikesi'mo re, oabùt kweang meneat o. Meneat he, ap Aram hobuk mene atì pogot oba nenat wagaike.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

PILIPI 3:8

Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.

KOLOSE 2:6

Hit en he, “Karìsùt Yesùt ninoe Etagepogorat o,” ìlùk ebe helasigip atì nen, hinom hutik motok logoino o. Atì'nogo logolìk, hinoabùt he, wene yakùlhisasukwa higit hogoat,

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.