LUKAT 2:10 - Ala Ane Wene Ket Mene Warogo Wo'ninapike Wene

¹⁰ Inayùk agaukwama re, at malaikat a'nogo nen he, mel yogoisasike: “Hinayùk agùp o. Lakhani, hano wene apùnì obogat ina'la hai apik hakogoin mene, yogohisa wagì o.

LUKAT 2:10 ပူးပေါင်းရင်းမြစ်များ

MATÌÙT 14:27

Atì'nogo ikenem aremnogoat at Yesùt en he, “Nagoromì, hinagùt a'ma. An nebeat waga lagì. Halok, hinayùk agùp o,” ìlùk yogoisasikomo re,

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

MATÌÙT 28:5

Nen, at malaikat a'nogo nen it hìmì amanogo yogoisìkì logolìk he, “Hinayùk agùp o. Hit he, Yesùt e ba menhìlìk wata a'nogo hineileken hùogolùk wagep atì, an nelu o.

MAREKÙT 1:15

Yogoisìkì logolìk he, mel ìkì lagaike: “O Ala awe a'ma hikegein a'nogo arat hikegein o. Halok he, hit weak hagatì lagep mene heraksìlìk hinoabùt hebelogo hano wene yì eberogoat ìlùk hùtheni o,” ìlùk yogoisìlìk nìkì lagaike.

MAREKÙT 16:15

Atì'nogo wenagisasikesik, wene aike mel yogoisasike: “Hit he, apùnì inùkùl etage lopok o yì awì tì awì a'loma obogat wene hano wene yì yogoisìlìk laga logoino o.

LUKAT 1:13

at malaikat a'nogo nen he, “Sakaria! Hayùk agùn o. Hat sapan ìkì lagen a'nogo, Ala arat asuk holhe o. Hagwe Elisabet atì eak abat takhesigin o. Takike halok he, etage Yohanet salino.

LUKAT 1:19

at malaikat a'nogo nen he, “An Ala eilhanem metek welagìrek mene netage Kapiriel atì nebe anat o. Hano wene yì yogohesuagalùk, at Ala nen yoko lakhani wagama wagì o.

LUKAT 1:30

Atì'nogo ebetì lagaikomo, at malaikat a'nogo nen he, “Maria, nerei e. Hayùk agùn o. At Ala nen etawìthapesik he, hebe oba lìok ike o.

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

LUKAT 8:1

At Yesùt atì'nogo hagasikesik he, welagì'legat, hobuk Ala awe a'ma hisikerek wene a'nogo, o sili hùkokwe hamùlùkkwe yogoisìlìk nìkì lagaike. Yogoisìlìk nìkì logolìk, at agoromì mene inebe 12 en amanogo mel,

LAKSASIKE 13:32

Ma re, yogotak nit en wene hano wene atì, hit yogohisa wago yì. Ala nen he, Tì'nogo wokhisegein, ìlùk ninopalak wene warisasike atì ebe re, o yogotak nit it en tagomakwe mene welago ya ba Yesùt at wo'nisasikomo wasukwama wa'lagaikomo re, Ala nen eluguthesike atì. Atì'nogo hagasigìlùk, wene Masimùt nomor 2 ba, mel isike: Hat an naput o. Hebe yogotak takhapì, ìlùk isikomo re, helal waganogo hesukwa higit hogoat haga'laga o.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.