LUKAT 19:7 - Ala Ane Wene Ket Mene Warogo Wo'ninapike Wene

⁷ Eperak laganem, it apùnì aike obogat en ineileken lagisìlìk, ua palogo inane ngùlùk-habuk inabok palhì logolìk he, mel isukwa: “Yesùt he, ap weak hagarì'logo mene a'nogo aua eperak nogo i lùogolùk lìlì'lùgì atì nayùk e!” ìlùk isukwa meneat he,

LUKAT 19:7 ပူးပေါင်းရင်းမြစ်များ

LUKAT 15:2

Atì'nogo wagaukwa mene re, it ap Parisi mene mel, it ap Ala ane helal waganek esewerek mene mel, ineileken isìlìk he, inane ngùlùk-habuk ìkì logolìk he, mel isukwa: “Ap yì nen apùnì weak hagarì'lùgì mene woginaperesik sùpùrùk inom omakìma nekarek atì, nayùk e!” ìlùk isukwama re,

LUKAT 7:39

Atì'nogo hagatenem, ap Parisi mene nen, “Yesùt, sùpùrùk neperak nùok,” ayoko hesike mene a'nogo a'la nen mel akasike, “Ap yì Ala ane yogoisikerek mene logoilepma re, He yì weak hagaterek mene nen haga'nape, ìlùk enagat hùtheilep,” ìlùk a'la akikenem,

LUKAT 7:34

Meneat he, an abat ta'lasi wagagi a'nogo nek he, sùpùrùk mel, anggur eken amusu mel, yùgùnat nìlìk wagagisi'mo nogo nen he, hit en he, Lakhani! Ap yì re, sùpùrùk mel, anggur eken amusu mel, apelalok weak nìkì logolìk he, ap pemerintah mene hesik uang kìno ìlìk wanharek mene mel, ap weak hagatarek mene mel, hùnethakìlìk niko yì hani? ìlùk yogonetì lagep.

MATÌÙT 9:11

Atì'nogo niko were'ma, it ap Parìsi mene nen ineileken kelagisìlìk he, it ap Yesùt ane wanhì lagaukwa mene amanogo mel yogoisasukwa: “Hit hinoe wene yakùlhisìlì'logo mene arì, it ap uang pemerìntah hesik kìno ìlìk wanharek mene inom, it aike weak hagarìk negarek mene inom, sùpùrùk omakìma nìlì'lùgì yì nahalok,” ìlùk yogoisasukwa.

LUKAT 5:30

Atì'nogo niko were'ma, it ap Parisi mene mel, it ap Ala ane helal waganek esewerek mene mel en, at Yesùt agoromì ane wanhì lagaukwa mene amanogo mel yogoisasukwa: “Hit he, ap uang pemerintah hesik kìno ìlìk wanharek mene mel, it aike weak hagarì'lùgì mene mel, hinom sùpùrùk omakìma nìkì lagep aroma nenahalok,” ìlùk yogoisasukwa.

MATÌÙT 20:11

Atì'nogo wogisiko kolek he, it amanogo uang wanhì logolìk inoabùt uarek-puarek hagatì logolìk he, ap kain eyabu esewerek mene a'nogo mel yogosukwa:

LUKAT 19:6

at Sakeùt a'nogo hepok pi wagaikesik he, Yesùt ebe hai warogo wanhikesik he, a'la hai hakìlìk, at aua eperak lagaukwa.

LUKAT 19:8

at Sakeùt a'nogo melagaikesik he, at ninoe Etagepogot Yesùt mel yogosike: “Noe! An nagarok yì mene tì mene obogat tùlem heirogo mìkìlogo re, it apùnì inagarok lek inelageik mene atì sùpùrisegein. Nen, an nen apùnì napeliak en lalinapi mene halok he, oko neki 4 oba nen hobuk oba louk hogo wogisegein o,” ìlùk yogosike.

MATÌÙT 20:4

Isasikesik he, Ap yì sanì. Hit he, an neyabu anggur yabumo atoma hinomat hagasi lano o. Hagasumo re, an nen oko higit hogoat wokhisegein o, ìlùk yogoisasike.