LUKAT 19:47 - Ala Ane Wene Ket Mene Warogo Wo'ninapike Wene

⁴⁷ Atì'nogo yogoisìlìk he, at Yesùt en ninhùp-nanhùp Ala awì wùrì'mo wene yakùlisiko motok welagaike. Atì'nogo yakùlisikenem, it ap Ala esewerek inogogi kaintek inom, Ala ane helal waganek esewerek mene inom, Yahuri mene kaintek inetagewerek mene inom en, “At Yesùt ebe nìkì'nogo wasuok,” ìlùk abok palhì lagaukwa.

LUKAT 19:47 ပူးပေါင်းရင်းမြစ်များ

MAREKÙT 11:18

Inasuk watenem, it ap Ala esewerek inogogì kaintek inom, Ala ane helal waganek esewerek mene inom en wene atì inasuk holhukwasik he, Yesùt wasuogolùk weim abok isukwa. Weim abok isukwa atì re, Yesùt en wene yakùlisikenem apùnì logolegat at ane holhìk hogoratì lagaukwa atì nen, at ebe inayùk arik he, wasuogolùk isukwa atì.

MATÌÙT 26:55

it ap apik wagaukwa amanogo mel yogoisasike: “Ap yogot wanhenem haksa wagaikarek atì hak, hit en atì'nogoat an hakhanuogolùk, karok mel, payùk mel, motok wolok wagep yì rì! An ninhùp-nanhùp Ala awì wùrì'mo hùrek logolìk wene yakùlisikenem, hit en an yì'nogo hakhanhì'lek welagasibat he,

YOHANET 18:20

at Yesùt en he, mel yogosike: “An nen apùnì kweangma mene wene yogoisìkì logolìk he, pak hogo nek yogoisìgìrek o. O it apùnì Yahuri mene obogat atogothìlìk sapan egarek obakwe mel, Ala awì wùrì'mo mel, atoma nek yakùlisìgìrek o. Wene hinagasogo aike ìgìrek motok lek meneat he,

YOHANET 10:39

it en he, at Yesùt ebe hakhouogolùk isukwa meneat he, ineki habaregeke wo'lakasike.

YOHANET 7:44

Atì'nogo mìkìlhukwasik, it aike nen Yesùt ebe hakhouogolùk isukwa meneat he, hakhìgì'lek kamo isukwa.

YOHANET 7:19

Nen, wene Ala nen ninasuk wasike wene atì, Musa nen helal waganogo wokhisasike lek nogo? At enat wokhisasike akìgì. Meneat he, ap hit mene aike nen, wene atì higit hogo hagatì'lek logolìk an noasuogolùk weim abok ìkì lagep atì nenahalok,” ìlùk yogoisasikomo,

MAREKÙT 14:1

Atem sat it Yahuri mene topa wam pesta Paskah a'nogo mene mel, eken horoti hisuagalùk a'la pelaparek mene a'la pelapì'lek werago nekarek a'nogo mene mel, ineki pìre logopik, aike nen nùogolùk werek kolek, it ap Ala esewerek mene amanogo inogogì kaintek mel, Ala ane helal waganek esewerek mene amanogo mel, Yesùt eil warogo hakhìlìk wasuogolùk weim abok ìkì lagaukwa.

MAREKÙT 12:12

Atì'nogo yogoisasikomo, it an he, mel isukwa: “Wene oba lìrogo ike atì, nit hesigat yogonisike hìgì,” ìlùk, hùthasukwa. Hùthasukwasik he, Yesùt ebe hakhouogolùk isukwa meneat he, apùnì logolek amanogo inayùk en herakhùlùk pùgùlhukwa.

MATÌÙT 21:23

At Yesùt en wene atì'nogo yogoisalùk he, at ebe Ala awì wùrì'mo kisikesik logolìk wene yakùlisikenem he, it ap Ala esewerek mene inogogì kaintek mel, it ap inalùgetek mel, Yesùt oba wagaukwasik he, mel yogosukwa: “Hat he, nena mene esewerek agatik yì hagatìk, tì hagatìk, ìkì lagen. Nen, ap sa nen esewerek logouagalùk, menhageikomo hagatì lagen,” ìlùk yogosukwama,

MAREKÙT 14:49

Ninhùp-nanhùbat an hinekele'ma Ala awì wùrì'mo logolìk wene yakùlisiko were'ma hakhanhì'lek welagasip en he, Tì'nogo hagasugun, ìlùk Ala ane helal waganogo hesukwa mene higit hogoat, hakhani wagep o,” ìlùk yogoisasikomo,

LUKAT 19:48

Atì'nogo abok palhì lagaukwa meneat he, it apùnì hùkokwe re, at Yesùt ane ikenem inasuk hologo motok welagaukwa atì nen he, at ebe nìkì'nogo wasu heat haga'lagaike.

LUKAT 20:19

At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he, “Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa.