LUKAT 19:12 - Ala Ane Wene Ket Mene Warogo Wo'ninapike Wene

¹² “Ap kain nen tagokwe mene aike a'la nen he, O ap kaintek inetagepogot menhisagare'ma atoma laganem an kain netagepogot menhanumo napotkwe wesigin, ìlùk akasike.

LUKAT 19:12 ပူးပေါင်းရင်းမြစ်များ

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

LUKAT 20:9

At Yesùt en atì'nogo yogoisasikesik he, hobuk apùnì amanogo wene aike oba lìrogo mel yogoisasike: “Ap aike eyabumo anggur awì yasike. Yakhìlìk he, ap aike serogo logouagalùk hisalùk he, o walegat lìlìk eki aike inom hogo logopik en wesigìlùk lagaike.

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

1 KORÌTÙT 15:25

Atì'nogo hegein atì, at Ala nen Karìsùt aselei mene obogat esok en al lebelogo hisoak en awe a'ma hisa wesigin atì oan werek kolek, at Karìsùt ebe kainat motok logogin.

LUKAT 24:51

Atì'nogo hai warinapo kolek aremnogoat he, it atem werek kolek, Ala nen, at ebe hapok hogo wolok pogot oba lagasike.

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

MAREKÙT 12:1

At Yesùt en wene atì'nogo yogoisasikesik he, hobuk wene aike oba lìrogo mel yogoisasike: “Ap aike eyabumo anggur awì yasike. Yasikesik he, leget wùtìk, eken sagalogo amusu keralhì logogun oba kweang habulhìk, ineileken logogun oba laleka pelatìk, isike. Isikesik he, ap aike serogo logouagalùk hisalùk he, ebe o wele'ma atoma lagaike.

MATÌÙT 21:38

Lakhei wagaikomo waganem, it ap yabu serogo welagaukwa mene amanogo nen, ineileken lakhasukwasik he, it-it ìkì logolìk, Ap arì Opase obùlù'mo yabu esewerek asigin mene a'nogo ebe waga a'lì. Halok, yabu yì nirat esewerek asuok en he, ebe wasuok o, ìlùk,

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.