LUKAT 18:32 - Ala Ane Wene Ket Mene Warogo Wo'ninapike Wene

³² Nebe noasuagalùk, yoko lìlìk it ap eta'ma mene ineki ba hanugun o. Hanumo, inane kerethìgìk yogonetìk, wesi hanhìk,

LUKAT 18:32 ပူးပေါင်းရင်းမြစ်များ

LUKAT 23:11

Hikenem he, at Herotet agoromì tentara mene inom en, Yesùt ebe ina'la meathìlìk, inane sagan apik wokhìkì lagaukwasik he, su hano motok kaintek labetarek mene aike labethìlìk, apotkwe Pilatùt oba lakhesike.

LAKSASIKE 3:13

Ninopase Ala atì, Aberaham mel, Isak mel, Yakùp mel, ninopalak aike mel, inopase Ala atì nenat he, aput Yesùt esinethike atì. Mene re, hit en, it aike nen wasuagalùk ineki ba hegepma re, at Pilatùt en eki hele hikalogo wulakheigìlùk ikenem, hit en he, Ap atì ninabìt o, ìlùk egep a'nogo.

MAREKÙT 14:65

Ati'nogo yogosukwasik he, it ap amanogo aike nen wesi sup hogo Yesùt oba hìlìk he, ineki nen eileken salhìlìk, tùgì ineki tap watì logolìk he, “Sa nen hoate nogo. Yogonisan ta,” ìlùk yogotì lagaukwama, it ap kaintek amanogo inagoromì Ala awì wùrìk serogo welagaikarek mene nen ebe hakhesukwasik tùgì ineki nen tamuk-tamak hogo wasukwaat.

MATÌÙT 26:67

Atì'nogo yogosukwasik he, wesi oba hìgìk, tùgì watìk, ineki ìkìlogo tung-tang hogo watìk, ìkì logolik he,

MATÌÙT 16:21

Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

YOHANET 18:35

at Pilatùt en he, mel yogosike: “Wene yogoneten atì re, an nebe ap Yahuri mene nen yogoneten a? It ap hokawerek hogogì hagoromì mel, ap Ala esewerek inogogì kaintek mel, inom en, hat hebe an wo'neta atì re, hat nìkì'nogo hagatenma,” ìlùk yogosikomo,

YOHANET 18:30

it en he, mel yogosukwa: “At yì weak hagatì'lek logoilepma re, hat hoba wolok we'lo legat o,” ìlùk yogosukwama,

YOHANET 18:22

ap Ala awì serogo welagaikarek amanogo mene aike ebe atem metek logolìk, at Yesùt tùgì eki tap lapuk hogo watì logolìk he, mel yogosike: “Ap Ala esewerek mene inoe kain yì nen yogohetenem, hat en wene atì'nogo yogosusak nogo? Mea o,” ìlùk yogotì lagaikomo,

LUKAT 23:35

It apùnì amanogo atem metek logolìk ineileken werek kolek he, it ap Yahuri mene inogogì kaintek amanogo inamisang sìkìn ìlìk, Yesùt inane sagan wokhìkì logolìk he, mel isukwa: “At yì Ala nen Karìsùt menhìlìk lakhei wesigin isike a'nogo ebe arat halok he, it apùnì aike elok telinapì laga a'nogo hak, okawerek en atì'nogoat telanìk he,” ìlùk isukwa.

LUKAT 23:1

Wene atì'nogo isukwasik, apùnì welagaukwa mene 23 amanogo inebe obogat melarìk he, Yesùt Pilatùt oba wolok wagaukwa.

MATÌÙT 27:2

eki hele warogo at Pilatùt ebe Gubernur kain were'ma oba wolok wagaukwasik he, wogosukwa.

YOHANET 18:28

Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

MAREKÙT 15:1

Atì'nogo hagatì lagaukwasik, o we isikomo re, ap wene Ala hesik ero pìlìngìtarek mene inebe obogat, it ap Ala esewerek mene inogogì kaintek amanogo mel, inalùgetek amanogo mel, Ala ane helal waganek esewerek mene amanogo mel, he'nakit inomat en, “Tì'nogo hagasuok,” ìlùk isukwasik he, Yesùt eki hele warogo Pilatùt wogosi wagaukwa.

MATÌÙT 20:19

Ùkùm noba hìlìk he, it ap etakwe mene nen inane kerethìgìk yogonetìk, tùgì labìsake noatìk, ìlìk he, nebe e ba menhanìlìk noasuagalùk wogisogoin o. Nen, arat noatenem, neki pìre warek logopik en he, Ala nen nelugu'nabigin o,” ìlùk yogoisasike.

MATÌÙT 22:6

it aike nen, at kain atitigeke laksasike mene amanogo inebe haksìlìk tùgì inoarìk he, inebe motok inoatìk, isukwa.

LUKAT 18:33

tùgì labìsake noatìk, ìlìk he, nebe motok noasugun o. Noatenem he, neki pìre warek logopik en, aike nen he, neluk asigin o,” ìlùk,

YOHANET 18:32

Inane atì'nogo yogosukwa atì re, at Yesùt en wene hageat yogoisìkì logolìk, “An tì'nogo haga'nabìk noasugun,” ìlùk ìkì lagaike mane a'nogo, it atì'nogo hagasukwama, at ane ebe agaike atì.