LUKAT 18:14 - Ala Ane Wene Ket Mene Warogo Wo'ninapike Wene

¹⁴ It sapan atì'nogo isukwa atì hesik, an wene aike yogohisak. Ap sa nen etaùken hesagathakìlìk hogorakiko halok he, Ala nen sebelhikerek o. Nen, ap sa nen etaùken sebelhakìlìk, An mea, akike halok he, Ala nen hesagathikerek atì nen he, at ap sapan alep ike mene atì, Ala nen wene oba mene sagalogo legetsìgì'lek kamo isike. Meneat he, at ap sapan hobuk isike mene atì nek he, Ala nen wene oba mene sagalogo legetsasikomo aua lagaike, ìlùk yogohisìgì,” ìlùk yogoisasike.

LUKAT 18:14 ပူးပေါင်းရင်းမြစ်များ

LUKAT 16:15

Atì'nogo isukwama re, at Yesùt en it yogoisìkì logolìk he: “An higit hagatì lagì, ìlùk apùnì ineilhanem hinoabùt higit mene hake hagatì lagep. Meneat he, Ala nen hinetaùken motok elu o. Yì mene tì mene it apùnì nen hano ìlùk esinetsagarek mene atì re, at Ala motok apsìrì o.

YAKOBÙT 4:10

Ninoe Etagepogot awe a'ma kìlìk hinetaùken seberogo logogun halok he, at en hesagathikegeinat o.

MATÌÙT 23:12

Ap sa nen okawerek en, An kain, ìlùk melasigin halok he, Ala nen ebe sebek hogo inawe a'ma hegein o. Nen, at sa okawerek en it aike inawe a'ma negen logogin halok he, Ala nen ebe hesak hogo hegein o,” ìlùk yogoisasike.

YAKOBÙT 4:6

Atì'nogo meneat he, Ala nen ninebe etawìrogo logolìk, hùkorogo lebe'nisikerek atì. Atì'nogo hagaterek atì nen mel isukwa: “Apùnì inokawerek en hogorakikenem Ala nen inoasigìlùk abìt isikerek. Mene re, inokawerek inetaùken seberogo logogun halok etawìrinaperek o,” ìlùk helal waganogo hesukwa.

LUKAT 1:52

Apùnì kaintek inetage pogot welagaikarek mene atì sebelogo hisìkì logolìk he, it inetage lek mene atì menhisìgìk,

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

KALATIA 2:16

Mene re, apùnì wene Ala nen ninasuk wasike wene a'nogo higit hogo hagatenem he, Ala nen ùkùm inoba mene korogo wokhìlìk inom hobuk inapotkwe hùnogo hisikerek lek. We, inetaùken Yesùt Karìsùt oba hìpìrethikenem enek, hùnogo hisikerek ìlùk hineluat o. Wene atì hesik, Ala ane ba helal mel waganek werek: “Apùnì aike nen higit hogo hagatenem, ùkùm inoba mene korogo wokhìlìk, inom hobuk inapotkwe hùnogo hisikerek lek,” ìlùk helal waganogo hesukwa atì nen, nit en wene Ala nen ninasuk wasike wene a'nogo higit hogo hagatenem hùk. We, ninetaùken Karìsùt oba hììrethikenem ùkùm ninoba mene korogo wokhìlìk, at ninom ninapotkwe hùnogo hinoagalùk, ninetaùken Karisùt Yesùt oba hìpìrethesugu atì.

ÙRÙM 4:5

Atì'nogo meneat he, apùnì aike nen Ala a'la hanorogo yì mene tì mene hagatì'lek logolìgat he, ina'la nen he, “It apùnì aike nen Ala ebe ina'la meathìkì lagaika meneat he, at en he, it ùkùm inoba mene elok korogo legetsìlìk hobuk inapotkwe at inom hùnogo hisikerek,” ìlùk inetaùken at oba hìpìrethikenem he, at en he: “Hinoabùt higit hogo hagatì logou hak, hinetaùken an noba hìpìrethegepma ùkùm hinoba mene korogo wokhìgìrìk, hinapotkwe ninom hùnogo hikìgì atìat o,” ìlùk yogoisikeregat.

ÙRÙM 3:20

Wene Ala nen ninasuk wasike wene atì ba re, nit apùnì weak hagatorek mene hukalagarek atì nen he, nit obogat en wene at en ninasuk wasike wene atì hologo logolìk, at eilhanem higit hogo hagasusak mea o. Hologo hagatì logoumo, at en ninom hobuk hùnogo hinasak meneat he, mea o.

LUKAT 10:29

at ap a'nogo a'la nen he, “Yesùt en, Ap atì hano hagaterek mene, ìlùk akoak,” ìlùk, mel yogosike: “Apùnì ninom welagorek mene netaùken hutik logousak atì, inebe sani,” ìlùk atì'nogo yogosikomo,

ÙRÙM 8:33

Ala nen ninebe wenagasogo wo'ninapike mene hùgì, ùkùm ninoba mene korogo wokhìlì'mo re, hobuk ùkùm sa nen ninoba housak nogo. Mea o.

ÙRÙM 5:1

Yogotak he, nit ninetaùken Ala oba hìpìrethesugu atì nen, ùkùm ninoba mene korogo wokhìlìk ninom ninapotkwe hùnogo hinasikomo, ninoe Etagepogot Yesùt Karìsùt hagasike atì ba Ala ninom lìoksek welago.