LUKAT 18:13 - Ala Ane Wene Ket Mene Warogo Wo'ninapike Wene

¹³ at ap uang pemerintah hesik kìno ìlìk atogoterek mene a'nogo nek he, ebe walegat metek logolìk ot hiok hogo eileken pogot oba higit lìakhìgì'lek ayùk hogo logolìk, eki nen etaùken hothìkì logolìk he, mel isike: Ala nopase e! An weak hagatìrek mene yì, hetawì nean o, ìlùk yogosike.

LUKAT 18:13 ပူးပေါင်းရင်းမြစ်များ

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

LUKAT 23:48

Nen, it apùnì apik ineileken hùogolùk wagaukwa mene atì'nogo hagatenem ineileken halùk hobuk inapotkwe inaua laga logolìk, inebe obogat inetaùken ineki nen hothìgìk warìk warìk lagaukwa.

IBERANI 8:12

It weak hagatarek mene atì, an nen sagalogo legetsìlìk, hobuk na'la eberek logogin lek o,” ìlùk yogoisasikomo helal waganek werek.

LAKSASIKE 2:37

Atì'nogo yogoisasikomo, inasuk holhukwasik, wene atì ba inetaùken abolok isikomo re, it en Peterùt mel, it aike Yesùt en weteberogo inayoko hìlìk laksasike mene aike mel, yogoisìkì logolìk he, “Nagaiya'lak. Nit ninoabùt nìkì'nogo hagasu,” ìlùk yogoisasukwa.

IBERANI 4:16

Atì nen he, nit weak asusak were'ma, hanoasuak, ninopase Ala oabùt hano nen etawì'ninapìk, lebe'nisigìk, uagalùk, at Ala kain welagarek oba logolìk oabùt hano oba heanerogo hagatarek atì nen, ninayù'legat oba horok hogo kuok o.

ÙRÙM 5:8

Atì'nogo meneat he, at Ala ninebe etawì nen hagaterek atì enagat asuagalùk, nit weak hagato were'ma, Karìsùt ebe wo'nisasikomo ninobùlù'mo wa'lagaike atì.

LUKAT 5:8

Atì'nogo haga'lasigìlùk isikomo, at Simon a'nogo Yesùt eilhanem eitep awì yukuk hogo soma ìlìk he, “Noe e! An weak hagatìrek mene yì re, yoma hebanìlùk lan o,” ìlùk yogosike.

2 KORÌTÙT 7:11

At Ala a'la walok akikerek oba hina'la weagarìk he, “Napik on weak hagatìma,” ìlùk hinoabùt hebelarìk he, hano mene keirogo hagatìk, ùkùm hinoba lek higit hogo hagatìk, hina'mage lagagìk, hinayùk agìk, “Paùlùt ninom apì a'lo e,” ìlùk noba ebetìk, hina'la agaken hogo hagatìk, at weak hagasike werek atì ekilùgùn oba wulaksìgìk, egep atì hani! Atì'nogo hagatì logolìk hit weak aike hagatì'lek ùkùm hinoba mene korogo motok laksegep o.

MATÌÙT 9:13

Ala ane aike mel isike: An Ala na'la re, apùnì nen inako wa'netarek atì nabìt o. We, it apùnì aike inetawìrinapì logousak atìat walok o, ìlùk isike wene atì tùkùmethei lani o. An wagagi atì re, apùnì inoabùt hano hagatarek mene inayoko heigìlùk wagagi hùk. Lek o. We, inoabùt weak hagatarek mene atì inayoko heigìlùk wagagi o,” ìlùk yogoisasike.

LUKAT 17:12

Pìkì logolìk he, o sili aike ki laganem he, ap inebe 10 nen inoumo henako hake inebenakwe welagaike mene nen ineileken Yesùt lakhasukwasik he, inebe walegat atem melasi wagaukwasik logolìk he, mel yogosukwa,

MATÌÙT 6:5

Atì'nogo yogoisasikesik he, aike mel yogoisasike: “Halok he, hit sapan ìkì logolìk, apùnì aike inogat oba nek hano salek logolìk inetaùken pìre mene nen he, Sapan ìkì lagì atì apùnì nen hùthanuak, ìlùk Ala awì wùrì'mo kagaresik he, inebe melarìk sapan ìgìk, kwe atogolma melarìk sapan ìgìk, egarek atì hak he, ìkì logogùp o. It atì oko hela hak he, we hogorinabì'lùgì atìat o, ìlùk eberogoat yogohisìgì o.

MATÌÙT 10:3

Pilipùt Paretolomeùt eperak mel, Tomat Matìùt pemerìntah hesik uang kìno ìlìk wanhì lagaike mene a'nogo eperak mel, Alpìùt aput Yakùp Tareùt eperak mel,

MAREKÙT 11:25

Hit aike melarìk sapan ìkì logolìk he, weak hagatep mene ninopase Ala pogot oba mene nen sagalogo legetsoagalùk, apùnì nen hit weagathinapa mene hit en eken inoba hìlìk welagep halok he, atì sagalogo heraksano. [

LUKAT 22:41

at ebe alepma kek hogo horogat helep lakhousak higit hogo lagaikesik he, eitep awì yagasogo sapan ìkì logolìk he,