LUKAT 17:21 - Ala Ane Wene Ket Mene Warogo Wo'ninapike Wene

²¹ At Ala nen awe a'ma hikegein atì, arat hinekele'ma asi waga atì nen he, it apùnì nen, At ebe eberogoat yoma werek yì ha we'ni! ìgìk, Atoma werek a'lì ha lani! ìgìk, oan ìgì'lek werek kolegat wesigin o,” ìlùk yogoisasike.

LUKAT 17:21 ပူးပေါင်းရင်းမြစ်များ

MATÌÙT 12:28

Meneat he, an nen nopase Areagùn omame ba mokareke inoabùt weak mene atì apùnì ina'la kìlìk were'ma henogo wulaksìkì lagì halok he, Ala nen awe a'ma hisegein a'nogo arat hinoba hakok i waga o.

MAREKÙT 13:21

Nen, weak atì'nogo haga'laga kolek, it aike nen he: Karìsùt a'nogo yì waga yì hani, ìgìk, it aike nen he: Karìsùt a'nogo a'lì waga a'lì lakhani, ìgìk, ikenem hit hina'la nen he, eberogoat ìlùk akagùp o.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

LUKAT 21:8

at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

LUKAT 17:23

It apùnì nen he, At a'nogo ebe yoma werek. Hìtha we'ni, ìgìk, Atoma werek a'naga hìtha lani, ìgìk, iko halok he, hina'la nen he, Eberogoat, akalùk hineileken hìtha lagìk, inopolik lagìk, ùgùp o.

YOHANET 1:26

at Yohanet en he, mel yogoisasike: “An nen apùnì we ima pelaginapì lagì meneat he, ap aike hit on ebe hùthìgì'lek mene hinekele'ma metek werek o.

YOHANET 18:36

at Yesùt en he, mel yogosike: “An nen apùnì nawe a'ma hisìgìrek atì re, apùnì kweangma mene nen inawe a'ma hisagarek atì hak hùk. Lek o. We, an nawe a'ma hisìgìrek atì re, kweangma mene logoilepma re, nagoromì nen an nebe it ap Yahuri mene wogisasak lek ìlùk, nebe elele wo'nabuogolùk inom yabilep meneat he, an nawe a'ma hisìgìrek atì kweangma mene lek atì nen he, elele wo'nabugun lek o,” ìlùk yogosikomo,