LUKAT 16:31 - Ala Ane Wene Ket Mene Warogo Wo'ninapike Wene

³¹ at Aberaham en he, mel yogosike: It hoe hagot atoma Musa wene inom, it ap Ala ane yogoisìkì lagaukwa mene inane atì inom, inasuk holhì'lek halok he, ap aike wa'la'lùk lagaikare'ma nen eluk a'lùk yogoisa lamo, it atì ina'la nen he, eberogoat akìlìk inasuk holusak meaat o, ìlùk yogosike,” ìlùk Yesùt en yogoisasike.

LUKAT 16:31 ပူးပေါင်းရင်းမြစ်များ

2 KORÌTÙT 4:3

Hano wene yogoisìlìk nìkì lago atì, apùnì aike nen hùthìlì'lùgì meneat he, it apùnì alema'larì'lùgì mene enek he, wene atì hesik inetaùken apumeke laberek werek o.

2 KORÌTÙT 5:11

Atì nen he, ninoe Etagepogorat ninayùk hogo logousak ìlùk hùthìkì logolìk he, apùnì nen wene atì hùthoagalùk ina'la kagalogo yogoisìlìk nìkì lago. Nit ninoabùt hagatì lago atì re, at Ala eilhanem weinam atì hak, hit hina'la nen nit hùthinìkì logousak akìkì lagì o.

LAKSASIKE 28:23

Atì'nogo yogosukwasik, “Nit nineki tì ba nen hobuk hoba wesugun o,” ìlùk wene waresukwa. Wene warerìk he, ineki atì ba inebe hùkokwe, o Paùlùt welagaike ba oba wagaukwa. Wagaukwama, ohealek en pìkìt hùako wene Ala awe a'ma hisikerek wene a'nogo yogoisikoat welagaike. Yogosìkì logolìk, it en Yesùt hagasike wene atì eberogoat ìlùk hùthoagalùk, wene Ala nen ninasuk wasike wene Musa nen helal waganogo hesike a'nogo ba mel, ap aike Ala ane yogoisìkì lagaukwa mene nen helal waganogo hesukwa a'nogo ba mel, inasuk watì lagaike.

LAKSASIKE 26:28

Atì'nogo yogosikomo, at Agarìpa nen he, “An nebe yogotak ya hepogat Kerisiten mane asuagalùk, hat en haga'nabigin ìlùk akìkì lagen a? Mea o,” ìlùk yogosike.

LAKSASIKE 19:8

Atì'nogo isukwama re, at Paùlùt o apùnì Yahuri mene sapan ìkì lagaukwa ba kìlìk ayù'lek hogo logolìk he, wene Ala nen awe a'ma hisikerek wene a'nogo hùthìlìk wanuagalùk, ina'la kagalogo, wene at en yogoisìgìk, it en oko at yogotìk, ìkì logolìk he, tùgì hinagan welagaike.

LUKAT 16:30

ap a'nogo nen he, mel yogosike: Atì'nogo egen meneat he, ap aike wa'la'lùk lagaikare'ma nen eluk a'lùk isa lamo nek he, inoabùt hebelasusak o, nopase e, ìlùk yogosikomo,

LUKAT 17:1

At Yesùt en atì'nogo yogoisasikesik he, at agoromì ane wanhì lagaukwa mene amanogo wene aike mel yogoisasike: “Apùnì nen an kopologo herakhanuagalùk it aike nen ina'la kagalugun mene weregat o. Meneat he, at sa nen ina'la kagalhe werek atì Ala nen ebe weagathegein o.

YOHANET 5:47

Mene re, wene Musa nen helal waganogo hesike mene atì, hit en eberogoat ìlùk hùthìgì'lek welagasep halok, an nane atì nìkì'nogo hùthìlìk eberogoat ìlùk akogoin. Mea o,” ìlùk yogoisasike.