LUKAT 16:20 - Ala Ane Wene Ket Mene Warogo Wo'ninapike Wene

²⁰ Meneat he, ap aike eilmo lek mene etage Lasarùt. Ebenakwe oumo motok apik welagaike mene, ap kain agarok motok apik mene a'nogo aua kwe ba atoma hei waga lagaukwa.

LUKAT 16:20 ပူးပေါင်းရင်းမြစ်များ

LAKSASIKE 3:2

Lagasukwa hak he, ap aike agosa a'la nan esok wùt warek motok ta'lagaikesik welagai'ke mene, kwe ape pale'ma etage Enegeke ìlùk ìkì lagaukwa ba atoma hei wagaukwama were'ma hasukwa. Apùnì nen ap atì ineki aike kamo ìgì'lek ninhùp-nanhùbat apùnì aike Ala awì wùrì'mo kikenem he, yì mene tì mane ape kìno weak yogoisìkì logouagalùk, kwa ape pale'ma atoma yerogo hei waga lagaukwa.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

YAKOBÙT 1:9

Hit Ala againapùrì hinagarok lek mene aike inawe a'ma logolìk he, “An Ala nen kainethanhomo welagì,” ìlùk hina'la hai hakasak o.

LUKAT 16:21

Hei waganem weitek logolìk, a'la nen he, Ap kain mene a'nogo apùrùk nikenem eken hilalogo o hùlùmo pikenem atogorogo nalabut ning hogo nìkì logoile e, ìlùk akiko were'ma, yeke wìrìk he, oumo ebena amanogo ameli nen melangathìgìk nìkì lagaike.

YOHANET 11:1

Ap aike etage Lasarùt, erugi Maria agot Mareta eperak inom inaua o Petania omakìma mene welagaukwa.

MATÌÙT 26:71

kwe hùko ape pale'ma wùlùparek oba wùlìbi wesigìlùk ikenem he, at helekerek aike inatitigeke hùnogoat mene eileken lakhìlìk, apùnì apik amanogo mel yogoisasike: “Ap yì Yesùt Nasaret mene a'nogo inom negarek meneat o,” ìlùk yogoisasikomo,

LUKAT 16:19

Atì'nogo yogoisìlìk he, hobuk at Yesùt en wene aike mel yogoisasike: “Ap aike kain agarok motok apik logolìk he, asu oko apik hano mene nek laberìlìk, yì mene tì mene hanoma a'la heak hogo logolìk, ninhùp-nanhùp a'la motok hai hakìkì lagaike.