LUKAT 16:17 - Ala Ane Wene Ket Mene Warogo Wo'ninapike Wene

¹⁷ Atì'nogo ki wìrì'lùgì mene re, pogot inom, kweang inom, lek asigin meneat he, wene Ala nen ninasuk wasike mene atì elùgùn hamùlùgat aike lek asigin motok lek o.

LUKAT 16:17 ပူးပေါင်းရင်းမြစ်များ

MATÌÙT 5:18

An nane eberogoat yogohisak. Pogot mel, kweang mel, oan lek agì'lek werek kolek ya re, wene Ala nen ninasuk wasike mene atì, helal hamùlùgat sobon al hake mel, inesiken omakeat hake mel, lek agì'lek motok heleleng hogo eberogoat haga'lasigin o.

LUKAT 21:33

Pogot mel, kweang mel, lek asigin meneat he, an nane atì lek asigin motok lek o,” ìlùk yogoisasike.

1 PETERÙT 1:25

Mene re, ninoe Etagepogot ane atì motok logogin o,” ìlùk isikomo helal waganogo hesukwa atì. At ane atì ebe re, nit en hano wene yogohisogorek atìat o.

ÙRÙM 3:31

Halok he, ninetaùken at oba hipirethìkì logolìk he, wene Ala nen ninasuk wasike wene a'nogo sebelhì lago he a? Lek o. At ane atìat omamethìkì lago.

ABÌKAKAN 21:4

Atì'nogo logolìk, yì wene tì wene alep mene legetsìlìk, at en it ineil amusu arat terogo hìlì'mo nogo nen he, inebe wa'laga logogun legat, ina'la weak aga logogun legat, le aga logogun legat, heinet watì logogun legat o,” ìlùk ikenem holhì.

ABÌKAKAN 21:1

Atì'nogo hìgìrìk oba nen, opolik he, Ala nen pogot mel, kweang mel, alep mene legethìgìk, i laut yekelek legethìgìk, ikesik, obùlù'mo re, pogot mel, kweang mel, ket mene hagarogo hikomo were'ma hìgì.

ABÌKAKAN 20:11

Atì'nogo hìgìrìk oba nen, opolik he, Ala kain welagarek obùlùk hùko kut mene were'ma, at ebe atoma welaga hìgì. Atì'nogo were'ma pogot, kweang, obogat, at agaserogo lek arì'mo nogo nen he, hobuk ineileken hasak legat aga laga hìgì.

2 PETERÙT 3:10

Atì'nogo werek meneat he, apùnì wonogat werek kolek yì mene tì mene yogot wani kagarek atì hak, ninoe Etagepogot wesigin atì, atì'nogoat wesigin o. Atì like, pogot ebe omake hesigat sogoi ane hake ìlìk ìlìk lek agìk, yì mene tì mene pogot oba welagarek mene ero inomat etu nìkìk, kweang ebe mel, yì mene tì mene kweangma welagarek mel, obogat lek agìk, ìgìn o.