LUKAT 15:6 - Ala Ane Wene Ket Mene Warogo Wo'ninapike Wene

⁶ oe agot mel, apùnì aike inawì sili omakìma mene mel, obogat waisìlìk he, An nako nalaga mene a'nogo arat herakalùk wagì atì nen, nina'la hai hakùok o, ìlùk yogoisikerek a'nogo lek?

LUKAT 15:6 ပူးပေါင်းရင်းမြစ်များ

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

LUKAT 15:24

An naput yì wa'laga akogo mene eluk a'lùk waga yì! Motok nalaga meneat he, hobuk herakogo yì, ìlùk, ina'la hai apik hùkasukwa.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

LAKSASIKE 11:23

At Parenapat atì, oabùt hano logolìk, etaùken Yesùt oba hìpìrìk motok were'ma re, Ala Areagùn a'la peserek welagaike atì nen, lakhei wagaukwama, wagaikesik eileken isìlìk, a'la nen he, “Ala oabùt hano nen hano hagarinapomo werek hìgì,” ìlùk a'la hai hakasike. A'la hai hakìlìk he, “Hit obogat hinetaùken ninoe Etagepogot oba hìpìrethìlìk, at hinom hutigat motok logoino o,” ìlùk inasuk wasike. Inasuk watì lagaikomo, apùnì logolegat, ninoe Etagepogot werekwe lapuk ìlìk inebe seik-peik ìkì lagaukwa.

PILIPI 2:17

Mene re, apùnì nen wam topa wam Ala hisìlìk, warogo lolesuogolùk, opoloba eken amusu pelaparek hak, hit hinetaùken Ala oba hìpìrethìlìk wogotenem, opoloba apùnì nen an nebe warogo namep pelapa halok, an na'la hai hakikenem hit obogat hina'la hai hakasagat o.

LAKSASIKE 15:3

It Ala againapùrì nen atì'nogo isukwasik laksasukwama re, o atoma nen he, Penisia nen, Samaria nen, laga logolìk he, mel yogoisìlìk lagaukwa: “It apùnì etakwe mene inoabùt hebelarìk inelokwe Ala wogotama o,” ìlùk yogoisìlìk laganem, it Ala againapùrì atoma mene ina'la hai hùkoat hakasukwa.

YOHANET 15:14

Nen, an nen hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, nane hologo hagatì logogun halok he, hit an nagaiya'lagat o.

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

LUKAT 15:7

Atì hak, apùnì inebe 99 mene atì nen he, An weak aike hagatìrìk nogo nen he, noabùt hebelasigin nogo? Lek o, ìlùk, inoabùt hebelasusak lek en he, it pogot oba welagaikarek mene atì ina'la hai hakogoin lek o. Meneat he, it apùnì weak hagatarek mene omakeat aike nen oabùt hebelhe halok, it pogot oba welagaikarek mene atì ina'la hai apik hakogoin o, ìlùk yogohisìgì,” ìlùk yogoisasike.

1 PETERÙT 2:10

Hit alep he, Ala hinom inapik welagagip meneat he, yogotak hinebe Ala againapùrì agep o. Nen, alep he, hit en he, “Ala ninebe etawì werek,” ìlùk hinokot welagagip meneat he, yogotak “Ninebe Ala etawì nen wo'ninapikomo welago,” ìlùk hinelu agep o.

1 TESALONIKA 2:19

Nit en he, “Hano asigin,” ìlùk nina'la hai hakìkì lago atì re, sanìlak hesik nogo. Ninoe Etagepogot Yesùt ebe wìrìk, “Hano hagatep,” ìlùk, at eilhanem enagat hinamo ninalong asigin atì, ero kì ba nen nogo. Ero hùnogo mene hesik hùk. Hit hinebe hesigat ninalong asigin o.

PILIPI 4:1

Ati nenat, nerùgì nagaiya'lak. Hinebe netawì e. Ninoe Etagepogot hinom hutik ning hogoat logoino. Hit hinoabùt hagatì lagep oba an na'la hai hakìgìk, hogorakìgìk ìkì logolìk, hinoba wìrìk nebe ninom logoilo e, ìlùk, akìkì lagì.

PILIPI 1:4

Hit emakum wene wanhìgip atì hùlì nen, yogotak hùlì, an nen hano wene apùnì aike yogoisìlìk nìkì logouagalùk lebe'niiko motok welagasep atì nen, ninhùp-nanhùbat na'la hairogo hit obogat hesik sapan ìkì logolìk, Ala ayoko hìgìk, hai watìk, ìkì lagì.

LUKAT 1:58

Eak ap takasikomo re, it apùnì inom welagaukwa mene aike mel, at oe agot mel, “Ninopase Etagepogot en motok etawìratesik hagate big o,” ìlùk isukwasik he, at okawerek inom ina'la hai hakasukwa.

LUKAT 15:5

Atì'nogo arat herakalùk a'la hai hakìlìk ot oba sakìnogo wolok he,