LUKAT 15:5 - Ala Ane Wene Ket Mene Warogo Wo'ninapike Wene

⁵ Atì'nogo arat herakalùk a'la hai hakìlìk ot oba sakìnogo wolok he,

LUKAT 15:5 ပူးပေါင်းရင်းမြစ်များ

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

LUKAT 19:9

Atì'nogo yogosikomo at Yesùt en he: “Hat hebe Aberaham en tagokwe mene nogo nen he, yogotak yìat hat hagainapùrì hinomat Ala nen telhinape o!

LUKAT 23:43

at Yesùt en he, mel yogosike: “O yogotak yìat neperak o hanoma atoma lìlìk logogun o, ìlùk eberogoat yogohetì,” ìlùk yogosike.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

1 PETERÙT 1:5

Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

2 TIMOTÌÙT 2:26

Atì'nogo inasuk watenem, it inoabùt hebelarìk, at Ibilit a'la akikerek mene hagatì logouagalùk inebe paik hele nen hakikerek hak haksike meneat he, Ala nen hikalogo wulaksegeinat o.

1 TESALONIKA 1:5

Nit hano wene wolok yogohisa wagagu a'nogo re, ninane ba nek yogohisìkì lagagu hùk. We, Ala Areagùn a'nogo nina'la logolìk, omamerogo lebe'nisiko kolek, nina'la nen, “Wene yì eberogoat,” ìlùk ninetaùkenma hùthasugusik enat yogohisìkì lagagu atì. Nit o atoma ninom logolìk, hit hesigat hagatì lagagu a'nogo hineluat o.

EPESÙT 3:7

An apùnì inatitigeke negen logolìk, wene atì sùpùrisìkì logouagalùk, Ala oabùt hano nen omamerogo haga'ninaperek higit hogoat nayoko hesike atì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

YOHANET 15:11

Nen, an na'la hai hakìgìrek atì hak, hit hina'la hai hakìkì logolìk, hobuk hina'la hai hùkorogo hakìkì logouageip en ìlùk, wene atì obogat yogohisìgì o.

LUKAT 15:4

“Ap hit mene aike ako topa warn 100 nen were'ma re, omakeat aike nalaga halok he, 99 aremnogo o leimo hisalùk he, omakeat nalasigin mene atì heraksìgì'lek motok herarìk pùgùlìk nìkì lagaresik en, arat herakikerek a'nogo lek?

LUKAT 15:6

oe agot mel, apùnì aike inawì sili omakìma mene mel, obogat waisìlìk he, An nako nalaga mene a'nogo arat herakalùk wagì atì nen, nina'la hai hakùok o, ìlùk yogoisikerek a'nogo lek?