LUKAT 15:24 - Ala Ane Wene Ket Mene Warogo Wo'ninapike Wene

²⁴ An naput yì wa'laga akogo mene eluk a'lùk waga yì! Motok nalaga meneat he, hobuk herakogo yì, ìlùk, ina'la hai apik hùkasukwa.

LUKAT 15:24 ပူးပေါင်းရင်းမြစ်များ

EPESÙT 2:5

Nit weak hagatì lagagu atì ba, ninetaùken hesik ninebe warek hake were'ma, Ala nen etawì'ninapikesik, Karìsùt ninom hùnogo hinìlìk ninomat ninelugu'ninapike. Ma re, hit at oabùt hano nenat telhinapike atì.

KOLOSE 2:13

Hit alep he, hinogat etakwe hesik hinekalìma mene a'nogo pale'lek, weak hagato motok logolìk he, hinebe warek hake were'ma, at Ala nen nit weak hagatì lagagu mene sagalogo legetsìlìk he, Karìsùt hinom hutigat were'ma hineluguthinapike atì.

LUKAT 19:10

Telhinape mene atì, an abat ta'lasi wagagi a'nogo, it apùnì nong arì'lùgì mene heragasogo telinabigìlùk wagagiat o,” ìlùk yogoisasike.

EPESÙT 2:1

Hit alep he, Ala ane sagalogo weak hagatì lagagip atì nen, hinetaùken hesik hinebe warek hake welagagip.

LUKAT 15:4

“Ap hit mene aike ako topa warn 100 nen were'ma re, omakeat aike nalaga halok he, 99 aremnogo o leimo hisalùk he, omakeat nalasigin mene atì heraksìgì'lek motok herarìk pùgùlìk nìkì lagaresik en, arat herakikerek a'nogo lek?

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

ÙRÙM 6:11

Atì hagat he, hit hina'la nen he, “Weak hagatì logousak hesik waregat logolìk, Karìsùt Yesùt ninom hutik logolìk he, Ala hesigat nineluk logogun,” ìlùk hina'la akìkì logoino o.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

ÙRÙM 12:15

It apùnì aike ina'la hai hakiko halok he, hit hinomat hina'la hai hakìgìk, it aike le ago halok he, hit hinomat le agìk, ìkì logoino o.

YOHANET 11:25

at Yesùt en he, mel yogosike: “Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o.

EPESÙT 5:14

Atì'nogo lìa ba hikenem enagat arik he, lia agarek atì nen he, mel egarek atì: “Hat nogo ìkì lagen atì, hebe heluk ame o. Nen, warek hake welagen atì, heluk ame o. At Karisùt en lìathabigin o,” ìlùk agarek atì.

1 KORÌTÙT 12:26

Nineki ninesok yì mene tì mene ninebe ba hutik welagarek mene, aike an en heinet wato halok he, ninebe abirat heinet watorek o. Nen, nineki ninesok yì mene tì mene ninebe ba hutik welagarek mene, aike apùnì nen hogorato halok he, ninebe abirat hai hakogoregat o.

1 TIMOTÌÙT 5:6

Mene re, it hìmì soge mene aike it walok mene, yùgùnat hagarì'lùgì mene atì, inebe ineluk werek meneat he, warek hake werek o.

ÙRÙM 11:15

Ala nen, it apùnì Isirael mene inebe heraksasike atì ba, yì apùnì tì apùnì obogat a'loma Ala inom lapulinapike atì. Hobuk it woginapenem en nìkìnlasigin. Apùnì warek mene inelugurinabu hak woginabigin atì.

ÙRÙM 6:13

Hineki hinesok hinebe ba welagarek mene aike inom obogat he, weak mene asike arìge negen arìk he, weak hagatì logouagalùk, at wogotì logogùp. Hinebe warek hake were'ma Ala nen hineluguthinapikomo hineluk logolìk hagasusak higit hogoat, hinebe abirat Ala wogo'ni o. Hineki hinesok hinebe ba welagarek mene inom aike obogat he, at asike arìge negen arìk he, higit hagatì logouagalùk Ala wogo'ni o.

YOHANET 5:21

Nen, an nopase nen aùnì warek mene inelugurinaperek atì hak, aput an nen apùnì warek mene atì'nogoat inelugurinabigin, ìlùk na'la akìgìrek mene hùgìat inebe lopok inelugurinapìrek.

MAREKÙT 8:22

Yesùt agoromì inom wene atì'nogo ìlìk ìlìk he, o Pesaìra wùlùpukwa.Wùlùpukwama re, it apùnì o atoma mene nen he, ap aike eileken mùm mene Yesùt en eki hakoagalùk oba wolok wìrìk he, inane inelageik ane yogosukwa.

ABÌKAKAN 3:1

Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.

YURAT 1:12

Hit hinerùgì hinagaiya'lak inebe hinetawì nen pesta hinom omakìma atogorogo isago nikenem, it ap atì inekalì legat hinoba ki wìrìk he, apùnì aike serisek welagì'lek inokawerek hesik enek oba ebetì logolìk hinom nìkì lagep atì re, weak o. Su hano mola were'ma muli mene oba labulagarek atì hak, hinom weak nìkì lagep atì o. Inebe re, ohena moso negein lek meneat sogoi en abùlùngweak wolok nikerek atì hak nùgì o. Nen, aike re, e eken ìtì'lek, eka motok lek ari'mo, omaken inom hesalhenem motok pùk agarek atì hak werek o.

LUKAT 10:19

Halok he, lakhani! Walo mel, lìlìm mel, hinesok en al lebelogo potsìgìk, Ibilit ninom weim palek mene a'nogo omame legetsìgìk, hagatì logouageip ìlùk, an nomame wokhisìgìrik esewerek hagathinapì o. Esewerek hagathinapìrì'mo, yì mene tì mene aike nen weagathinabigin motok lek o.

MATÌÙT 8:22

Atì'nogo yogosikomo, at Yesùt en he, mel yogosike: “Heraksalùk he, an nopolik eme. Warek mene halok, it apunì inebe warek mene hake werek atoma nenat salinapì logouak o,” ìlùk yogosike.

LUKAT 9:60

Atì'nogo yogosikomo, at Yesùt en he, mel yogosike: “Warek mene halok, it apùnì inebe warek mene hake werek atì nenat salinapì logouak en he, hat Ala awe a'ma hisikerek wene atì, o yì awì tì awì yogoisìlìk nìkì logoino o,” ìlùk yogosike.

LUKAT 15:23

Atì'nogo ìlìk he, wam sapi eak otolik hano mene a'nogo waganogo, at hesik nina'la hai hakìkì logolìk aganeke warogo isasuok o.

LUKAT 15:25

“Atì'nogo hagato kolek aremnogoat, at oe a'nogo yabumo welagaikesik wagaike hak he, gitar watì logolìk etawì watenem inane asuk holhike.