LUKAT 15:20 - Ala Ane Wene Ket Mene Warogo Wo'ninapike Wene

²⁰ Atì'nogo akìlìk, o welagaike ba a'nogo hebisalùk he, opase a'nogo oba wesigìlùk oan waganem, at opase a'nogo nen walegat waga kolek eileken lakhìlìk he, etaùken abolok ìlìk, humusek lìlìk he, oake holuk hogo hai ape saluk-saluk wasike.

LUKAT 15:20 ပူးပေါင်းရင်းမြစ်များ

EPESÙT 2:13

Alep he, hinebe walegat welagagip meneat he, yogotak, Karìsùt Yesùt hinom hùnesigipmo re, at amep wulagasogo wa'lagaike atì ba, horok ya hikikomo welagep.

EPESÙT 2:17

At Yesùt en atì'nogo wo'nisek wagaikomo re, o'moko mene, o'moko mene ninom, at Ala Areagùn omakeat atì ba ninopase Ala oba kusak elogat haga'lagaike, ìlùk, Yesùt ebe alebat wagaikesik, “Hinom lapuk hogo hikìgi o,” ìlùk, wene hano wene hit etakwe mene walegat were'ma yogohisìgìk, nit apùnì Yahuri mene horogat were'ma yogonisìgìk, i wagaike atì.

LAKSASIKE 20:37

Sapan isikomo re, it obogat le aga logolìk he, Paùlùt ebe oake holuk hogo hakhìlìk, inape saluk hai watì logolìk, hai warogo lakhesukwa.

LAKSASIKE 2:39

At Ala nen, Nareagùn wokhisegein, ìlùk wene wa'nisasike atì re, hit hinebe mel, hinagainapùrì mel, it aike inaua walegat mene atoma mel, hinebe ninopase Etagepogot Ala nen, We'ni o, ìlùk wahisìlì'logo mene hùgì, obogat hesik wene hirat wathisasike o,” ìlùk yogoisasike.

LUKAT 15:19

Atì'nogo weak hagatìri'mo re, hat en he, Yì an naput, ìlùk hobuk usak motok mea o. We, hat hatitigeke meneat haninok o, ìlùk yogosi legein, ìlùk a'la akasike.

LUKAT 15:21

Atì'nogo hagasikomo, at aput a'nogo nen he, mel yogosike: Nopase! An he, at Ala pogot oba mene a'nogo mel, hat mel, hineil salogo weak hagatì o. Atì'nogo hagatìrì'mo re, Yì an naput, ìlùk hobuk usak motok mea o, ìlùk yogosike.