LUKAT 15:10 - Ala Ane Wene Ket Mene Warogo Wo'ninapike Wene

¹⁰ Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

LUKAT 15:10 ပူးပေါင်းရင်းမြစ်များ

LUKAT 15:7

Atì hak, apùnì inebe 99 mene atì nen he, An weak aike hagatìrìk nogo nen he, noabùt hebelasigin nogo? Lek o, ìlùk, inoabùt hebelasusak lek en he, it pogot oba welagaikarek mene atì ina'la hai hakogoin lek o. Meneat he, it apùnì weak hagatarek mene omakeat aike nen oabùt hebelhe halok, it pogot oba welagaikarek mene atì ina'la hai apik hakogoin o, ìlùk yogohisìgì,” ìlùk yogoisasike.

2 KORÌTÙT 7:10

Apùnì kweangma mene nen ina'la kagalhenem, ina'la weagarìk he, inebe wa'lagaikarek meneat he, at Ala a'la walok akikerek oba ina'la weak agaresik, weak hagatarek mene heraksìlìk inoabùt hebelaganem he, Ala nen hanorinaperek atì. Hanorinapenem he, “An na'la weak aga ba, napik en noabùt hebelhì” ìlùk hobuk wenesùgì ebetarek lek.

LUKAT 13:5

Lek o. An nen hit yogohisak. Hit weak hagatì lagep mene atì, heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o,” ìlùk yogoisasike.

MATÌÙT 18:14

Atì hak he, hinopase pogot oba mene a'nogo nen he. Yekerùgì magatek atì hake omakeat aike nalasi lasak he, motok abìt o, ìlùk akikerek,” ìlùk yogoisasike.

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

LUKAT 7:47

Atì'nogo hagate atì nen he, an nen hat aike yogohesik. At he yì nen weak apigat hagaterek meneat he, at a'la nen he, Yesùt en sagalogo legetsikomo, ìlùk hùkorogo etawì'nape atì ba enagat haga'laga o. It apùnì weak hamùlùgat hagarì'lùgì mene, Ala nen sagalogo legetsikenem, we hamùlùgat negen inetawìratarek o,” ìlùk yogosikesik he,

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

PILEMON 1:15

At Onesìmùt hat herakhagalùk Wùlìpike atì re, we, heki elama hesik logopik en, hobuk heperak motok logouogolùk waniginmo, at Ala a'la akasike ba haga'larì'logo akìgì.

LAKSASIKE 5:19

Hisasukwama, were'ma re, malaikat ninoe Etagepogot en yoko pelaksa wagarek mene amanogo aike hùako pi wagaikesik he, o apùnì ineki hele warek hisagarek oba, kwe yagarek mene hua'lapuk hìlìk inebe wogisek wùlìbi wagaike.

MATÌÙT 10:32

Atì'nogo yogoisasikesik, aike mel yogoisasike: “Sa nen, Yesùt atì an noe o, apùnì ineilhanem ane pak hogo iko halok he, an hogo re, At atì an nagot o, ìlùk nopase pogot oba mene eilhanem, nane pak hogo iginat o.

LUKAT 12:8

Atì'nogo yogoisasikesik, aike mel yogoisasike: “Sa nen, Yesùt atì an noe o, ìlùk apùnì ineilhanem, pak hogo iko halok he, an abat ta'lasi wagagi a'nogo nen hogo re, At yì an nagot o, ìlùk, it malaikat Ala nen yoko laksa wagarek mene amanogo ineilhanem nane pak hogoat yogoisegein o.

LUKAT 12:9

Meneat he, sa nen, Yesùt atì an nokot o, ìlùk, apùnì ineilhanem, labelho halok he, an nen hogo re, At atì an nokorat o, ìlùk, it malaikat pogot oba mene Ala nen yoko laksa wagarek mene amanogo ineilhanem nane pak hogo yogoisegeinat o.

LUKAT 15:9

Atì'nogo arat herakìlìk he, hìmì, at aksùmì mel, inawì sili omakìma welagaikarek mene mel, waesikenem atogosi waganem he, Nauang sen mene nalaga mene urat herakìgì atì nen he, nit obogat nina'la hai hakùok o, ìlùk yogoisikerek a'nogo lek?

LUKAT 15:11

Atì'nogo yogoisasikesik he, wene aike mel yogoisasike: “Ap aike againapùrì ap inebe pìre welagaukwa.