LUKAT 14:7 - Ala Ane Wene Ket Mene Warogo Wo'ninapike Wene

⁷ Ap kain mene aike nen apùnì inom sùpùrùk omakìma nùogolùk inayoko hesike mene, ap kaintek mene hù'lagaikarek oba nek hù'lagaukwasik werek en he, at Yesùt eileken yerisìlìk he, wene oba lìrogo mel yogoisasike:

LUKAT 14:7 ပူးပေါင်းရင်းမြစ်များ

LUKAT 11:43

Hit ap Parisi mene Ala nen weagathinabigin o. O apùnì Yahuri mene sapan egare'ma ap kaintek mene inobùlù'mo hit tak eilem-eilem hù'lasi kìgìk, nen, o pasar hagarek oba yì mene tì mene oko wanhare'ma atoma apùnì nen hai hanorogo wa'ninabuagalùk kìgìk, ìkì logou atì nek walok welagasep atì.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

MATÌÙT 23:6

nen, apùnì pesta hùko isago nikenem, it ap kaintek hù'lagaikarek oba yegelogo hu'lagìk, o apùnì Yahurì mene sapan egarek oba atoma tùlem yegelogo hù'lasi kìgìk,

LUKAT 20:46

“It ap Ala ane helal waganek esewerek mene inoabùt hagarì'lùgì atì nen lalhinabinogo ìlùk, hinepe hebelogo logoino o. It atì inoabùt he, inasu uatek mene laberalùk pasar oko wanhare'ma atoma apùnì nen inane agauk hogo hai warinabuagalùk lagìk, o apùnì Yahuri mene sapan egarek oba tùlem yegelogo hù'lasi kìgìk, apùnì pesta hùko isago nikenem ap kaintek hù'lagaikarek oba yegelogo hù'lagìk, ìkì logou walok welagaikarek atì.

3 YOHANET 1:9

An nen hit Ala againapùrì hesik helal hororogo waganogo hinoba lakhei wagagi meneat he, at Lìoterepet a'la nen he, “An Ala againapùrì inoe kain haga'lasigin,” ìlùk akìlì'logo mene atì nek he, an nane hologo hagarì'logo lek atì.

MATÌÙT 13:34

Apùnì apik amanogo yogoisìkì logolìk he, wene aike Pak hogo yogoisìkì lagaike lek. We, oba lìthìgìk enek yogoisìkì lagaike.