LUKAT 14:21 - Ala Ane Wene Ket Mene Warogo Wo'ninapike Wene

²¹ Inane atì'nogo ìlìk lagaukwama re, at atitigeke mene a'nogo nen oe a'nogo yogosi wagaike. Atì'nogo yogosi wagaikomo, at oe esewerek a'nogo a'mage apik lagalìk, mel yogosike: O kota hùko yì, kwe ebela hùkokwe mel, hamùlùkkwe mel, laga logolìk, apùnì inelageik mene mel, inouak sagalek mene mel, ineileken mùm mene mel, inesok wùt warek mene mel, wogisek we'no o, ìlùk yogosike.

LUKAT 14:21 ပူးပေါင်းရင်းမြစ်များ

LUKAT 14:13

Mene re, hat atì'nogo isatì logolìk halok he, ineilmo lek inelageik mene atì inom, inouak sagalek mene inom, ineitep holu mene inom, ineileken mùm mene inom, it atì'nogo mene hùgì inayoko hìkì logoino. Atì'nogo inayoko hikenem, it en hat hayoko housak lek atì nenat, hat ha'la hai apik hakegein o. It atì nen oko wokhesusak le'ma atì, apùnì inetaùken higit mene wa'larì'mo, Ala nen inelugurinabigin atì sat he, hat hagatì logogin mene oko, at Ala nenat wokhesigin o,” ìlùk yogoisasike.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

YOHANET 9:39

Ati'nogo hogorasikomo, at Yesùt en he, mel yogosike: “An nen apùnì aike ineileken mùm mene hùgì hanorinapìk, it aike ineileken hano mene hùgì mùmerinapìk, ìkì logoigìlùk nebe kweangma yoma pi wagagi o,” ìlùk ikenem,

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.

ABÌKAKAN 19:15

At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.

IBERANI 13:17

Hobuk Ala nen he, hit hinogogì mel yogoisegein: It inetaùken hesik nìkì'nogo hagatì lagasip, ìlùk yogoisikenem, it ina'la nen he, “Nit ninoba lopogat oko yogosugun hìgì,” ìlùk, hanorogo sethisek motok welagaikarek atì nen he, it inawe a'ma soma ìlìk inane hologo hagatì logoino o. Atì'nogo hagatì logogun halok he, it ina'la hairogo, hit hesik hagatì logogun atì. Meneat he, hit en it inane hologo hagatì logogun lek halok he, it ina'la weak logolìk, hit hesik we tùlemat hagatì logousak o.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MATÌÙT 11:28

“Hit hinoba ekin-pekin hogo seget apik hagatì lagep mene atì, an nen hinoba seget nokok hogo hikamo set waloageip en, noba we'ni o.

LUKAT 9:10

It ap Yesùt en inayoko hìlìk laksasike mene amanogo lìlìk inapotkwe wagaukwasik he, “Nit en yì'nogo hagato, tì'nogo hagato,” ìlùk pìlìngpalang hogo Yesùt yogosi wagaukwa. Atì'nogo yogosi wagaukwama re, at en it wogisek inalepma kek hogo o sili etage Pesaìra atì lagaike.

MATÌÙT 18:31

Atì'nogo hagatenem, ap kelakhesike mene atì agaiya'lak he'nakìt en ineileken hasukwasik ina'la motok weak agaikesik, it en hobuk yoko ap kain a'nogo wene obogat yogosi wagaukwa.

MATÌÙT 15:12

Atì'nogo yogoisasikomo, at agoromì ane wanhì lagaukwa mene amanogo oba wagaukwasik he, mel yogosukwa: “Wene yogonisegen a'nogo, it ap Parisi mene nen inasuk holhasik he, At weak ike, ìlùk inabìt heega atì hùrisegen a? Lek a,” ìlùk yogosukwa.

LUKAT 14:20

Nen, at aike nen he, Nagaiyak e. An nagwe ket ìkìgìrì'mo nogo nen he, isago nogoin atì, an na wesusak he, mea o, ìlùk yogosike.

LUKAT 14:22

Atì'nogo yogosikomo re, at ap a'nogo lìlìk wagaikesik he, oe a'nogo mel yogosike: Noe. Yogoneten a'nogo wogisek wagì meneat he, o heta motok selek werek o, ìlùk yogosike.

MATÌÙT 20:7

it ap amanogo nen he, Yabu aike wanuagalùk ninayoko hìgì'lek atì nen welago o, ìlùk yogosukwa. Atì'nogo yogosukwama re, at ap eyabu esewerek a'nogo nen he, Halok he, hit hinomat an neyabumo anggur yabumo atoma hagasi lano o, ìlùk inayoko hesike.