LUKAT 13:3 - Ala Ane Wene Ket Mene Warogo Wo'ninapike Wene

³ Lek o. An nen hit yogohisak. Hit weak hagatì lagep mene atì heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o.

LUKAT 13:3 ပူးပေါင်းရင်းမြစ်များ

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

LUKAT 13:5

Lek o. An nen hit yogohisak. Hit weak hagatì lagep mene atì, heraksìlìk hinoabùt hebelagì'lek halok he, it wa'lagaika hagat, hit atì'nogoat wa'larìk nong asugun o,” ìlùk yogoisasike.

MATÌÙT 12:45

hobuk apotkwe wùlìbi lagaresik, mokareke aike inoabùt at oabùt hake lek. At he, inoabùt motok weak mene inebe 7 nen, inayoko lagaresik, wogisek o a'nogo ki wagaresik, ap atì a'la kagaresik welagaikarek o. Atì'nogo kìlìk were'ma re, ap atì alep he, oabùt hano negen welagaike meneat he, hobuk oabùt motok weagat haga'lagarek. Atì hak he, hit apùnì o yogotak ya hinoabùt motok weak hagatì lagep mene yì, atì'nogoat hagasugun o,” ìlùk yogoisasike.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MATÌÙT 22:7

Atì'nogo hagasukwama re, at ap kain etagepogot a'nogo asuk holhikesik, a'mage lagalìk agoromì tentara mene laksasikomo lagaukwasik, at ap kain atitigeke inoasukwa mene amanogo inebe motok warogo potsìlìk, inawì wùrìk kota atoma motok halì hesukwa.

LUKAT 13:2

Atì'nogo yogosi wagaukwama, at Yesùt en he, mel yogoisasike: “Hit hina'la nen he, It ap o Kalilea mene he'nakìt obogat he, weak hamùlùgat negen hagato kolek, it atì'nogo inoate atì nek he, weak hùkorogo hagatì lagaikama, inoabùt en inoate, ìlùk akìkì lagep a?

LUKAT 13:4

Nen, hit hina'la nen he, O Yerusalem poge habuli'mo etage Siloam atoma o helep mene uanat wusukwa mene were'ma, sinuk hogo pi waga logolìk, inebe 18 oba al lebelogo sebelinapike a'nogo re, it apùnì he'nakìt obogat o Yerusalem welagaikarek mene atì re, weak hamùlùgat negen hagato kolek, it al lebelogo sebelinapike atì nek he, weak hùkorogo hagatì lagaukwama inoabùt en sebelinapike akegep a?