LUKAT 13:24 - Ala Ane Wene Ket Mene Warogo Wo'ninapike Wene

²⁴ “It apùnì apigat, kwe hamùlùkkwe kuogolùk walhogoin meneat he, mea asigin atì nen he, hit kwe hamùlùkkwe atì ba kuageip en he, hinomamerogo hagatì logoiho, ìlùk yogohisìkì lagì.

LUKAT 13:24 ပူးပေါင်းရင်းမြစ်များ

2 PETERÙT 1:10

Atì nen he, nerùgì nagaiya'lak. Hinebe Ala nen wenakhinabìk, hinayoko hesike atì re, eberogoat haga'lasuagalùk, hit en akiluk hogo hinomamerogo hagatì logoino. Atì'nogo hagatì logogun halok, hinetaùken Ala ha hìpìrìk mene heraksalùk wùlùbugun lek o.

IBERANI 4:11

It alep Ala ane hologo higit hogo hagatì'lek en, set walìgì'lek atì hak, nit aike it inomanem set walìgì'lek kamo inogo ìlùk, ninomamerogo hagatì logouok o.

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

ÙRÙM 10:3

It be, Ala nen ùkùm inoba mene korogo wokhìlìk hobuk inapotkwe inom hùnogo hisoagalùk, at awe a'ma kìlìk logolìk hagasusak mene inokot en hagatì'lek welagaukwa. We, inokawerek ina'la nen akalùk inomamerogo hagatì lagaukwa atì.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

YOHANET 7:34

An o atoma lìlìk were'ma, hit en an hera'nabìk nìkì logogun meneat he, hit o an logoginmo atoma wesusak motok mea atì nen, an ninom apì asugun lek o,” ìlùk, yogoisìkì lagaikomo,

YOHANET 8:21

Atì'nogo kamo isukwama re, at Yesùt wene hobuk aike it amanogo mel yogoisasike: “An nebe hobuk legeinat o. Lìlìk atoma werek kolek, hit an hera'nabugun meneat he, o an legeinmo atoma hit lasak mea atì nen he, hit weak hagatì lagep mene ùkùm hinoba werek kolegat hinebe wa'lasugun o,” ìlùk yogoisasikomo,

MATÌÙT 11:12

At Yohanet ima pelaginapì laga atì hùlì nen he, yogotak ya hùlì, it inoabùt weak asialoksek mene nen, ninopase Ala nen awe a'ma hisikerek a'nogo inabìt en mabenetsùogolùk inomamerogo walhìlì'lùgì.

YOHANET 13:33

Nagainapùrì. An neki hamùlùgat enek ninom logopik en legein o. Lamo, hit en an nebe hera'napì logogun meneat he, alebat an nen ap Yahuri mane yogoisasigi hak, o an legeinmo atoma hit en hera'nabìk logoin lek o, ìlùk, yogotak hit yogohisìgìat o,” ìlùk yogoisasike.

LUKAT 13:23

Atì'nogo yakùlisìlìk pikenem he, ap aike nen, mel yogosike: “Noe. Ala nen telinabigin atì re, inebe hùkoat a? Hamùlùgat a,” ìlùk isikomo, at Yesùt en it apùnì atoma welagaukwa mene amanogo mel yogoisasike: