LUKAT 13:15 - Ala Ane Wene Ket Mene Warogo Wo'ninapike Wene

¹⁵ at ninoe Etagepogot en he, ap a'nogo mel yogosike: “Hit hinogat oba nek hano salek logolìk, hinetaùken pìre mene yì rì! Hit hinebe obogat nineki Ala hesik welegat logolìk meneat he, hinako wam sapi a, keledai a, awì wùrì'mo nen, kwe hùrogo hele hikalogo wulakhìlìk he, i noagalùk wogisek lagasep lek nogo? Wogisek lagasebat o.

LUKAT 13:15 ပူးပေါင်းရင်းမြစ်များ

LUKAT 14:5

Lakhesikomo, ap a'nogo laga kolek he, at Yesùt en it amanogo mel yogoisasike: “Ala hesik welegat logolìk meneat he, hit aike hinaput a? Hinako sapi a, i poge habuli'mo pile pike halok, hepokhepogat hineki hagasogo lìabusak lek nogo? Lìabusagat o,” ìlùk yogoisasikomo re,

MATÌÙT 23:28

Atì hak he, apùnì nen hit hinogat etakwe yì yethisikenem hano akìlì'lùgì meneat he, hinetaùken pìre logolìk, hina'la re, yì weak tì weak hagatesep atì mene motok peserek welagep atì nen Ala weagathinabigin o!

LUKAT 12:1

Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.

LUKAT 6:42

Hinokawerek hineilekenma e hùko mene palek walurek werek atì hìgì'lek logolìgat he, hinerùgì hinagaiya'lak atì yogoisìkì logolìk, Heilekenma ìlìngeken kike mene atì wokheak o, ìlùk usak nogo? Hinogat oba nek hano salek hinetaùken pìre yì rì! Hinokawerek hineilekenma e palek hùko mene walurek werek atì tak wokhakìlìk en, hineileken arat lìa aga halok he, hobuk hinerùgì hinagaiya'lak ineilekenma ìlìgeken werek mene atì, elok wokhogoin o,” ìlùk yogoisasike.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

MATÌÙT 15:14

Ineileken mùm logolìgat he, kwe lisìlì'lùgì atì hebisani o. At aike eileken mùm mene nen, at aike atì'nogo eileken mùmat mene yogotì logolìk he, Kwe yìkwe lù, ìlùk eki hagasogo wolok legein halok he, eperagat holugu i kaluk wagane'ma pile wo'laka pugun o,” ìlùk yogoisasike.

MATÌÙT 15:7

Hit hinogat oba nek hano salek logolìk hinetaùken pìre yì rì! At Yesaya nen Ala ane yogoisìkì logolìk wene mel isike atì, hit hesik higit hogo isike hìgì:

MATÌÙT 7:5

Hinogat oba nek hano salek logolìk hinetaùken pìre yì rì! Hinokawerek hineilekenma e palek hùko mene atì tak wokhakìlìk en, hineileken arat lìa aga halok he, hobuk hinerùgì hinagaiya'lak ineilekenma ìlìngeken werek mene atì elok wokhogoin o,” ìlùk yogoisasike.

LUKAT 7:13

eileken lagisasike. Lagisìlìk he, ninoe Etagepogot en he, he soge a'nogo eileken hìlìk he, etawì arìk he, mel yogosike: “Nerei. Le aga hùk o,” ìlùk yogosikesik he,

LUKAT 7:19

mel yogoisasike: “Ap aike wesigin ìkì lagaukwa a'nogo harat a? Ì a, at he, ap hùnogoat mene aike serogo logogun a, ìlùk yogosi lani o,” ìlùk, ninoe Etagepogot oba laksa wagaike.