LUKAT 12:5 - Ala Ane Wene Ket Mene Warogo Wo'ninapike Wene

⁵ Meneat he, hit sa hinayùk hogo logousak nogo. An nen yogohisak. At Ala nen hinebe hinoarìk he, hobuk etu ai'mo elok lakhikasak werek atìat hinayùk hogo logoino, ìlùk yogohisìkì lagì atì.

LUKAT 12:5 ပူးပေါင်းရင်းမြစ်များ

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

MATÌÙT 10:28

Apùnì nen hinareagùn hinoasusak mea. We, hinagasabeke nek hinoasugun atì nen he, hinayùk hago logogùp o. Meneat he, at Ala nek he, hinareagùn mel, hinagasabeke mel, elok motok warogo etu ai'mo lakhikasagat werek atì nen, at Ala at hinayùk hogo logoino.

ABÌKAKAN 14:7

Atì'nogo nìkì logolìk, ane hùkorogo mel ìkì laga: “Ninopase Ala nen ùkùm apùnì inoba hìgìk, kotìk, igin a'nogo, arat hakok i waga atì nen he, Ala pogot mel, kweang mel, i laut yekelek mel, i elesi agei obogat mel, elalhike mene a'nogo hinayùk hogo logolìk, hinetaùken at oba hìpìrethìlìk, hogoratì logoino o,” ìlùk ìkì laga lakhìgì.

IBERANI 10:31

Ùkùm atì'nogo inoba hegein atì, nit weak hagatenem ninebe Ala eluk motok welagarek mene eki ba hinike halok, ninayùk motok asigin atì.

ABÌKAKAN 20:14

Ùkùm atì'nogo inoba hegein atì re, sùesika it apùnì aike inebe lopok ineluk motok logouagalùk hanorinabigin mene hùgì, inetage helal waganek a'nogo ba wanhì'lek mene halok, atì'nogo i laut etu mene yekelek atì ba wouk hogo pelaksìkì logolìk, a'ma baga mel, wa'lagwì ero mel, inomat wouk hogo atomaat pelaksìkì laga hìgì. Atì'nogo pelaksìkì laga atì re, alebagik elama hesik wa'larì'mo nen, hobuk wa'lasugun he, i etu mene yekele'ma pelaksegein atìat o.

1 TESALONIKA 4:6

Ati mene hesik higit hogo hagatì logolìk he, hinerùgì hinagaiya'lak ineil salogo inagagwì inagonì mene pailak haksasak lek o,” ìlùk, Ala a'la nen atì'nogo akìlìk yogonisikerek atì. Atì'nogo ikerek atì nen, alebat nit en ìkì logolìk he: “It apùnì pailak atì'nogo haksagarek mene hùgì, ninoe Etagepogot en ùkùm inoba hegein werek o,” ìlùk, hinasuk ning hogo warogo yogohisasugu atì.

MATÌÙT 25:41

“Nen, it neki peikkwe hisegein mene atì mel yogoisegein: An nopase nen hit homan hikike mene yì rì! An sùpùrùk nele were'ma, hit en mela'netì'lek, i nele were'ma, hit en wo'netì'lek, ap pok were'ma hit en wo'napì'lek, su labere'lek were'ma hit en aike labethanhì'lek, ou warek were'ma mel, neki hele warek were'ma mel, nea lagì'lek hagatì lagagip o. Halok he, an nopase nen, at Ibilit agoromì inebe apik inom, etu aik api'mo logouagalùk inobùlùk hisasikomo atoma hela lani o, ìlùk yogoisegein.

ABÌKAKAN 15:4

Ninopase Hetagepogot hat haligat keksek logolìk, u a e, Apùnì ùkùm inoba hìgìk, kotìk, ìkì logolìk, u a e, Apùnì obogat ineilhanem, u a e, Eberogoat motok hagaten, u a e. Apùnì inùkùl etage lopok obogat, u a e, Hawe a'ma ki wìrìk, u a e, Ineitep awì yagasogo, u a e, Hogothapìk, hai wathapìk, ikenem, u a e, It apùnì sanì hak en hat inayù'lek logolìk, u a e, Hogothapì'lek kamo usak, u a e, Lek, u a e,” ìlùk wùnì watì lagaika holhì.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

MAREKÙT 13:23

Wene atì oan haga'lagì'lek werek kolek hùsipi tak yogohisìgì atì hinepe hebelogo logoino o,” ìlùk yogoisasike.