LUKAT 12:32 - Ala Ane Wene Ket Mene Warogo Wo'ninapike Wene

³² “Halok he, hit Ala againapùrì kìlìk welagasep mene hinebe hamùlùgat mene yì, nagaiya'lak e! Ala nen hit at awe a'ma hikagalùk a'la akikesik werek atì re, hinayùk agùp o.

LUKAT 12:32 ပူးပေါင်းရင်းမြစ်များ

IBERANI 12:28

Atì'nogo abologothegein meneat he, nit enek he, Ala awe a'ma hinikere'ma abolok igin motok lek mene wo'nisasikomo ese agosik welago atì nen he, “Ala nopase,” ìlùk hai watì lo gouok o. Nen, at Ala ebe re, etu nen yì mene tì mene nikerek atì hagatma, nit atì'nogo weaga'ninabinogo ìlùk, at ebe ninayùk hogo hagatìk, agauk hogo hagatìk, ìkì logolìk, at ane hologo a'la walok mene hagatì logolìk, hogoratì logouok o.

ABÌKAKAN 1:6

Atì'nogo hikalninapikesik, nit at opase hesik hagatì logouagalùk, ninebe kain Ala esewerek menhinasikomo welago. Atì'nogo menhinasikomo logolìk he, nina'la nen he, “At Yesùt Karìsùt atì, omame apik werek,” ìlùk nit at ebe eberogoat hogorato motok logouok o, ìlùk, u hak, “Amin,” ìgì atì.

LUKAT 10:21

Atì'nogo yogoisasikesik atì sat he, Yesùt a'la Ala Areagùn were'ma nogo nen he, a'la hai hakìkì logolìk opase Ala mel yogosike: “Ala nopase e. Pogot kweang esewerek harat o. Wene obogat atì, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì re, hat ha'la walok akegen meneat yogoisegen atì nen hai wathapì lagì, nopase!” ìlùk yogosike.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

2 TESALONIKA 1:11

At Ala nen he, “Hit atì'nogo hagatì logoino o,” ìlùk, hinayoko hesike hagat higit hogo hagatì logouageip ìlùk, nit en hit hesik sapan iko motok welago. Hit hina'la nen he, “Nit hano hagatì logoilo e,” ìlùk, akìkì lagep mene atì, Ala nen atì'nogo hagathinapìk, nen, hinetaùken at oba hìpìrethìlìk logolìk hagatì lagep mene atì, at enat hinetaùken wurigethinapìk, at omame atì ba hagathinapì logouak o.

2 PETERÙT 1:11

Ninoe Etagepogot Yesùt Karìsùt telninabì'logo mene a'nogo, kain motogat logoginmo atoma hika kìkì logolìk, at en he, “Hit hinebe esewerek o,” ìlùk, hai warogo hanorogo wokhisek kigin o.

MATÌÙT 14:27

Atì'nogo ikenem aremnogoat at Yesùt en he, “Nagoromì, hinagùt a'ma. An nebeat waga lagì. Halok, hinayùk agùp o,” ìlùk yogoisasikomo re,

ABÌKAKAN 22:5

Nen, Ala ebe apopok it inebe lìarinapo kolek nogo nen he, a hùako legat, nen esage mel, mo mel, yatì logousak legat, werek kolek, it kaintek inetagepogot logolìk, apùnì aike inawe a'ma hisìlìk hagisek moto'-motok logogun isìgì o.

2 TESALONIKA 1:5

Ala nen apùnì ùkùm inoba hìgìk, kotìk, higit hogoat hikerek ìlùk enagat asigin. Hit yogotak Ala awe a'ma kìlìk ane hologo welagep atì hesik, apùnì nen yì aik tì aik hagathinapo kolek atì'nogo welagep atì nen, at en hobuk he, “Hit an nawe a'ma kìlìk hinawiwerek motok logoino o,” ìlùk, yogohisegein atì.

ÙRÙM 6:23

Weak hagatarek atì oko re, wa'lagaikarek atì. Nen, ninoe Etagepogot Yesùt Karìsùt ninom hutik were'ma re, Ala oabùt hano nen oko legat nineluk motok logouagalùk haga'ninaperek atì.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

YOHANET 18:36

at Yesùt en he, mel yogosike: “An nen apùnì nawe a'ma hisìgìrek atì re, apùnì kweangma mene nen inawe a'ma hisagarek atì hak hùk. Lek o. We, an nawe a'ma hisìgìrek atì re, kweangma mene logoilepma re, nagoromì nen an nebe it ap Yahuri mene wogisasak lek ìlùk, nebe elele wo'nabuogolùk inom yabilep meneat he, an nawe a'ma hisìgìrek atì kweangma mene lek atì nen he, elele wo'nabugun lek o,” ìlùk yogosikomo,

MATÌÙT 20:16

Atì'nogo yogosike, atì hak he, it hobuk mene atì ebalep asugun o. Nen ebalep mene atì hobuk asugun o,” ìlùk yogoisasike.

MATÌÙT 7:15

Atì'nogo yogoisasikesik, aike mel yogoisasike: “It aike inapeliagat Ala ane yogoisagarek mene salek hinoba wìrìk he, hina'la kagalinogo ìlùk, hinepe hebelogo logoino o. It atì inelokoken wam topa warn ena mene hake hagarogo nen wesugun meneat he, inetaùken a'la re, yeke lo yeke anini weak mene hake wesugun o.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

LAKSASIKE 20:29

Mene re, yeke lo yeke anini weak mene nen wam herakhìgì'lek motok nikerek atì hak, an nebe lìlì'mo nen, it aike nen Ala againapùrì hit en serisek welagep mene atì weagarinabi ki wesugun mene werek o, ìlùk an nelu.

1 KORÌTÙT 1:21

At Ala a'la motok kagalek atì nen he, mel isike: “Apùnì kweangma mene nen, inokawerek inawene kagauk hogo egarek atì nen he, an nebe inelu asusak mea o. We, it aike nen wene ebe wene yogoisìlìk nikenem, it apùnì kweangma mene nen akìkì logolìk he, Wene ati apùnì kepù mene nen egarek hake ìlì'lùgì, ìlùk iko kolegat he, it aike nen, Wene ati eberogoat, ìlùk akogoin mene halok, an nen telinabiginat o,” ìlùk oba lìok ìlìk okawerek enat isike.