LUKAT 12:15 - Ala Ane Wene Ket Mene Warogo Wo'ninapike Wene

¹⁵ apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he,

LUKAT 12:15 ပူးပေါင်းရင်းမြစ်များ

IBERANI 13:5

Ala nen ninebe lopok hesik ìkì logolìk: “An nen hat neki kopok hogo herakhagagìk, hebe halepma hagagìk, igin lek o,” ìlùk isike atì nen he, hit uang hinetaùken tùlemethìlìk logogùp o. We, hamùlùgat werek atì, hit hina'la nen he, “Yì elok werek,” ìlùk akasak o.

2 TIMOTÌÙT 3:2

Apùnì inetaùken tùlem he, inokawerek inebe hesik mel, uang hesik mel, esinethìgìk, inokawerek en hogorakìgìk, sebirakìgìk, inane pùk weak wenagisìgìk, inapase inagosalak inane holhì'lek heraksìgìk, hai warinapì'lek inoabùt lagì-lagorek hagatìk, Ala hesik hagatì'lek inapsìrì welagìk,

LUKAT 16:14

Atì'nogo yogoisasikomo re, it ap Parisi mene amanogo uang motok inetaùken hutik welagaukwasi'mo nogo nen he, Yesùt en wene atì'nogo ikenem inasuk holhukwasik he, inane lì'nù tìng-taung hogo agato agaukwa.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

LUKAT 8:14

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

2 PETERÙT 2:3

It ap Ala ane yakùlisagarek mene salek weinam asugun atì inoabùt he, “Nit enek wo'nisanìk,” ìlùk egarek mene atì nen, hit en oko wogisoagalùk, wene inokawerek ina'la nen kagalogo inapeliagat yogohisìkì logogun atì. Atì'nogo meneat he, it inoabùt hagatì logogun atì ba, at Ala nen he, “It atì ùkùm inoba hìlìk inebe weagarinabigin,” ìlùk hageat a'la tùlemat akasike hùk. Magarogo welagì'lek weagarinabigin mene werek o.

1 KORÌTÙT 6:10

yogot wanharek mene mel, inamì'mìk weak hagatarek mene mel, amusu lùgùlùgì paluogolùk nekarek mene a'nogo niko motok welagaikarek mene mel, inane aik weak wenagisagarek mene mel, ineki abusak wanharek mene mel, it apùnì atì'nogo hagatarek mene atì obogat Ala awe a'ma hisikere'ma atì esewerek asugun motok lek o.

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

2 PETERÙT 2:14

It ap atì, ineilmo re, hìmì pailak haksìkì logousak mene peserek logolìk, inabìt hìgì'lek weak hagato motok logogun atì. Atì'nogo hagatì logolìk, apùnì Ala ane kerat wìlìk, inetaùken abolok werek mene lalinapì logogun atì. Inoabùt he, “Yì mene tì mene nit enek wo'nisanìk,” ìlùk ìkì logouogolùk hageat en yakùlhukwasik he, atì meneat inelu logolìk hagatì logogun atì. Atì'nogo hagatì logogun atì nen, Ala nen homan hisìlìk weagarinabigin werek o.

LUKAT 12:16

wene aike oba lìrogo mel yogoisasike: “Ap kain mene aike nen eyabu kweang mulimo hanoma awì yasikomo re, ebe eken apik isikomo,