LUKAT 11:52 - Ala Ane Wene Ket Mene Warogo Wo'ninapike Wene

⁵² Halok he, hit ap Ala ane helal waganek yakùlisegesep mene yì ouma kwe hùrogo kuogolùk walhagarek hak, it apùnì aike yì wene tì wene inelu asuogolùk walhikenem, hit en kunci telìlìk hesogo logolìk hinokawerek hinelu asuogolùk yakùlhì'lek logolìk, it aike yakùluogolùk ikenem, hit en he, Yakùlusak lek o, ìlùk wenagisegesep atì nen Ala nen weagathinabigin o,” ìlùk atì'nogo yogoisalùk he,

LUKAT 11:52 ပူးပေါင်းရင်းမြစ်များ

MATÌÙT 22:35

ap aike Ala ane yakùlisìkì lagaike mene nen, Yesùt oabùt paligìlùk oba hinok wanhì logolìk he, mel yogosike:

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

LUKAT 11:53

o a'nogo hebisalùk eta'ma wùlìbi lagaike. Wùlìbi lagaikomo re, it ap Ala ane helal waganek esewerek mene mel, Parisi mene mel, ina'mage at oba hìkì logolìk, “At Yesùt atì ane igin oba wene eken hìlìk ebe wasuok,” ìlùk he, anema hùko wanhìk, hamùlùgat wanhìk, ìkì logolìk ineil wanhì lagaukwa.

LAKSASIKE 5:40

Inetaùken sebelhikomo, it ap Yesùt en inayoko hìlìk laksasike mene amanogo waisasukwama kisukwama re, tùgì inoasukwasik en, “Yesùt atì etage palogo, wene hobuk atì'nogo yogoisìkì logogùp o,” ìlùk inasuk warogo wulaksasukwa.