LUKAT 11:43 - Ala Ane Wene Ket Mene Warogo Wo'ninapike Wene

⁴³ Hit ap Parisi mene Ala nen weagathinabigin o. O apùnì Yahuri mene sapan egare'ma ap kaintek mene inobùlù'mo hit tak eilem-eilem hù'lasi kìgìk, nen, o pasar hagarek oba yì mene tì mene oko wanhare'ma atoma apùnì nen hai hanorogo wa'ninabuagalùk kìgìk, ìkì logou atì nek walok welagasep atì.

LUKAT 11:43 ပူးပေါင်းရင်းမြစ်များ

LUKAT 20:46

“It ap Ala ane helal waganek esewerek mene inoabùt hagarì'lùgì atì nen lalhinabinogo ìlùk, hinepe hebelogo logoino o. It atì inoabùt he, inasu uatek mene laberalùk pasar oko wanhare'ma atoma apùnì nen inane agauk hogo hai warinabuagalùk lagìk, o apùnì Yahuri mene sapan egarek oba tùlem yegelogo hù'lasi kìgìk, apùnì pesta hùko isago nikenem ap kaintek hù'lagaikarek oba yegelogo hù'lagìk, ìkì logou walok welagaikarek atì.

3 YOHANET 1:9

An nen hit Ala againapùrì hesik helal hororogo waganogo hinoba lakhei wagagi meneat he, at Lìoterepet a'la nen he, “An Ala againapùrì inoe kain haga'lasigin,” ìlùk akìlì'logo mene atì nek he, an nane hologo hagarì'logo lek atì.

PILIPI 2:3

Yì mene ti mene hagasuogolùk, hina'la nen he, “An enek hanorogo hagatì logogin,” ìlùk, hinokawerek en agauk hogo hagatì logogùp o. Hina'la nen hogorakìgì'legat, “It aike hano. An he, mea,” ìlùk, akìkì logoino.

ÙRÙM 12:10

Hinerùgì hinagaiya'lak Ala againapùrì mene atì hinebe ap omakeat en tago mene negen, hinetaùken tùlem hinetawìrogo logolìk he, hit-hit hinerùgì hinagaiya'lak hinane agauk hogo yogoisìkì logoino.

MATÌÙT 11:16

Apùnì o yogotak werek ya ba re, nena mene ba lìrogo yogohisak. Yì mene ba lìrogo ik. It atì re, yekerùgì pasar oba oko wanhare'ma atoma hùrek logolìk, inagaiya'lak inom wene lakhìgìk-wakhìgìk ìkì logolìk: