LUKAT 11:41 - Ala Ane Wene Ket Mene Warogo Wo'ninapike Wene

⁴¹ Halok he, hit mene yì mene tì mene piring a'la hìkì lagep mene atì, apùnì inagarok lek mene sùpùrogo wogisegep halok he, hit hesik yì mene tì mene obogat ebenakwe sobalek logou hak hano logogin o.

LUKAT 11:41 ပူးပေါင်းရင်းမြစ်များ

LUKAT 12:33

Hit hinagarok mene atì oko abarìk he, oko uang abasugun mene amanogo it inagarok lek inelageik mene atì sùpùrisano o. Sùpùrisìlìk he, uang awì momok agarek lek mene waganogo hìlìk, kalogo hìkì logou hak, hinagarok hano motok lek asigin lek mene, it ap ineil agasabu weak mene nen yogot hinasi kìgìk, elugeke nen palhìk, ikerek motok le'ma pogot oba atoma kalogo hikoagalùk lakhakìkì logoino o.

YAKOBÙT 1:27

Ninopase Ala nen he, “Apùnì nen an na'la hanorogo higit hano motok hagatì logousak he, yìtogo. Yekerùgì suarek mene mel, hìmì soge mene mel, nong arìk were'ma leberisìgìk, apùnì kweangma weak hagarì'lùgì mene atì inoabùt wanhì'lek inokawerek en tegelìgìk, ìkì logousak o,” ìlùk a'la akikerek atì.

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

IBERANI 13:16

Atì'nogo ìkì logolìk, apùnì aike hano hagarinapìk, leberisìgìk, ìkì logouok. Atì'nogo ìkì logousak atì re, Ala a'la hanorogo ako waretì logou hagat ma re, oba lì'mathousak motok lek o.

LAKSASIKE 10:15

Atì'nogo yogosikomo, ane a'nogo nen aike yogotì logolìk he, “Ala nen, Hano nasak, ìlùk ike halok, hat en, Wesa, nasak lek, ìlùk ha'la akagùn o,” ìlùk yogosike.

LUKAT 16:9

Atì halok he, an wene aike yogohisak. Hinagarok yì mene tì mene kweangma mene, ineilmasirogo kolo hagatarek mene atì lek aga halok, hinawì hano motok logousak oba wokhinabuagalùk he, yogotak ya hinagarok atì ba hinagaiya'lak hinom ekaberakìkì logoino o,” ìlùk yogoisasike.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

2 KORÌTÙT 8:12

Hit mene lek mene hùk. At he, werek mene hinetaùken oba nen it atì hisogoin halok he, at Ala nen, “Hano haga,” ìlùk akegein.

LUKAT 19:8

at Sakeùt a'nogo melagaikesik he, at ninoe Etagepogot Yesùt mel yogosike: “Noe! An nagarok yì mene tì mene obogat tùlem heirogo mìkìlogo re, it apùnì inagarok lek inelageik mene atì sùpùrisegein. Nen, an nen apùnì napeliak en lalinapi mene halok he, oko neki 4 oba nen hobuk oba louk hogo wogisegein o,” ìlùk yogosike.

LUKAT 18:22

at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

MATÌÙT 5:42

Nen, at ap aike nen, Hagarok atì an wo'nom, ìlùk kìno iko halok he, hinabìt isìgì'legat wogosusak o. Nen, at aike nen, Hat mene atì hobuk wokhesik en, elama hesik wo'nom, ìlùk iko halok he, Nabìt, ìgì'lek wogosusagat o,” ìlùk yogoisasike.

EPESÙT 4:28

Hit aike nen hineki abusak wanhì lagep mene halok, hobuk atì'nogo wanhì'lek logolìk, it inelageik mene leberisìkì logouogolùk, hinokawerek yabu hineki omamerogo wanhì logoino o.

LAKSASIKE 11:29

Atì sùpùrùk no ebe oan haga'lagì'lek werek kolek he, it apùnì Yesùt ane wanhukwa mene amanogo nen he, “Halok he, nit ninebe lopok uang ninekimo aga mene higit hogo ninerùgì ninagaiya'lak o propinsi Yurea atoma atogotarek mene leberisùok en atogorogo lakhouok o,” ìlùk wene palhukwasik uang atogosukwa.

MATÌÙT 26:11

It apùnì inagarok lek mene atì hit hinom motok logogun meneat he, an enek he, hit ninom motok logogun lek o.

LAKSASIKE 24:17

“An mo lagagìk, pìgìk, tahun logolegat o Yerusalem lagì'lek welagarìk he, nerùgì nagaiya'lak ninebe omakeat mene uak, uang aike leberisìgìk, Ala hesik aike hisìgìk, igìlùk lagì.

MAREKÙT 7:19

Nekarek mene atì re, inetaùkenma kikerek lek. We, pìkìt inalabut a'la pìlìk he, inamise pìkìt wusi lagaikarek o,” ìlùk isike atì, yì mene tì mene yùgùnat nìkì logousak. Wesa lek o, ìlùk isike atì.