LUKAT 11:29 - Ala Ane Wene Ket Mene Warogo Wo'ninapike Wene

²⁹ Atì'nogo yogosikomo, apùnì motok apigat Yesùt oba atogosi wagaukwama, at en wene mel yogoisasike: “Hit apùnì o yogotak welagep mene yoma hinoabùt weak enek hagatì lagep o. Hit en he, Nit en hùthagagùkwe re, hat en elalin mene aike hagasin he, ìlùk, yogonetì lagep meneat he, an nebe hùthanuageip ìlùk, an nen elalin hùnogoat mene aike hagasigin motok lek o. We, at Yùnùt en apùnì hùthoagalùk elalinat hagasike atì hak enek an nen hobuk aike hagatenem hineileken neogoin o.

LUKAT 11:29 ပူးပေါင်းရင်းမြစ်များ

LUKAT 11:16

it aike nen, at Yesùt oabùt paluogolùk he, mel yogosukwa: “Hat hebe Ala nen lakhagei wagama wagen halok he, nit en hùthagagùkwe, hat en elalin mene aike hagasin he,” ìlùk yogosukwa.

1 KORÌTÙT 1:22

It apùnì Yahuri mene nen ìkì logolìk he: “Wene hùthùgùkwe re, elalin mene aike haga'ni o,” ìgìk, it apùnì Yunani mene nen he: “Wene hina'la kagauk hogo aike yogonisani o,” ìgìk, egarek meneat he,

LUKAT 12:1

Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

YOHANET 6:30

it en he, mel yogosukwa: “Hebe hùthagùagalùk, elalin mene aike hagatenem nineileken hììlìk, ninetaùken hoba hìpìrethùgùkwe re, ebe kì mene hagasigin. Aike nìkì'nogo hagasigin.

YOHANET 2:18

Yesùt en it apùnì amanogo atì'nogo yogoisasikomo, it ap kaintek Yahuri mene nen Yesùt ebe wenagatì logolìgat he, mel yogosukwa: “Hat en hagaten yì re, esewerek logolìk hagasusak obaat hagatenma ìlùk, hùthagagùkwe re, elalin mene aike hagasin ta,” ìlùk wenagasukwa.

LUKAT 11:50

kweang pogot elalhike hùlì nen emakum Habel oe nen amep wulagasogo wasike nen he, pìkìt it ap Ala ane yogoisìkì lagaukwa mene inoarìk inoarìk, hùlì ap Sakaria Ala awì wùrìk hokolek, at ako warogo etu loletì lagaukwa ba hokolek, tùlem amep wulagasogo wasukwa atì hùlì, inamep pisike atì obogat hit apùnì yogotak welagep mene yì hinoba hegein o.

LUKAT 9:41

Atì'nogo yogosikomo, at Yesùt en it apùnì logolek amanogo mel yogoisasike: “Yì sani! Hit apùnì o yogotak welagep mene yì re, hinetaùken noba hìpìrethìgì'lek logolìk, nong akìkì lagep yoma rì! An nepe morogo neki mìren oba ninom logogun nogo!” ìlùk yogoisasikesik he, ap a'nogo mel yogosike: “Haput arì wolok eme o,” ìlùk yogosike.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

MATÌÙT 3:7

Atì'nogo hagato were'ma, it ap Parìsi mene he'nakìt inom, ap Saluki mene he'nakìt inom, inebe logolegat ima pelaginabuagalùk he, at oba waganem yì'nogo yogoisìkì lagaike: “Hit walo nen tagokwe mene yoma sanì! Hit he, Ala a'mage apik lagagin a'nogo hinoba hikenem hese elok logoin ìlùk sa nen yogohisikomo. Mea o.