LUKAT 10:27 - Ala Ane Wene Ket Mene Warogo Wo'ninapike Wene

²⁷ ap a'nogo nen he, mel yogosike: “At Musa nen he, Hinetaùken mel, hinoabùt mel, hinomame mel, hina'la mel, omakeat arìk, ninopase Ala Etagepogot ebe atìat hinetaùken hutik logoino o. Nen, aike re, Hit hinokawerek hinebe hinetaùken hutik welagesep atì hak he, it apùnì aike hinom welagasep mene atì hinetaùken hutik logoino o, ìlùk isikomo helal waganek werek,” yogosike.

LUKAT 10:27 ပူးပေါင်းရင်းမြစ်များ

ÙRÙM 13:9

Wene atì ninasuk watì logolìk he, mel isike: “Pailak haksìgìk, haksoagalùk hagatìk, usak lek o. Apùnì inebe inoasusak lek o. Yogot wanusak lek o. It aike inagarok mene hina'la nen he: Namolo e, ìlùk akasak lek o,” ìlùk wene ninasuk wasike atì inom, aike ninasuk wasike mene inomat he, omakeat lapuk hogo wene esin hake re, mel isike: “Hit he, hinokawerek hinebe hinetaùken hutik welagasep atì hak, it apùnì aike hinom welagasep mene atì, hinetaùken hutik logoino o,” ìlùk isike atì.

YAKOBÙT 2:8

Mene re, hit en higit hogo hagatì logousak mene yì. Ala nen ninasuk watì logolìk wene esin he, mel isike: “Hit hinokawerek hinebe hinetaùken hutik welagasep atì hak, it apùnì aike hinom welagasep mene atì hinetaaken hutik logoino o,” ìlùk isikomo, helal wanhukwa mene werek atì higit hogo hagatì logogun halok, hano hagatì logogun o.

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

IBERANI 8:10

Hobuk apùnì Isirael wene ket mene warogo woginabigin ìlùk ìgì atì, ebe yìat: An nen wene inasuk watìrek wene atì ina'la eberek motok logouagalùk, wogisìgìk, inetaùkenma helal waganogo hisìgìk, ìlìk he, an it inopase logogin. Nen, it an nagainapùrìat logogun o.

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

MATÌÙT 19:19

Hinopase hinagosa inane hologo agaugerinapì logousak o. Hinokawerek hinebe hinetaùken hutik welagasep atì hak, it apùnì aike hinom welagasep mene atì, hinetaùken hutik logoino o, ìlùk ninasuk wasike wene atì hesik ìgì o,” ìlùk, yogosikomo re,

LUKAT 10:26

at Yesùt en he, mel yogosike: “Wene Ala nen ninasuk wasike wene a'nogo helal nìkì'nogo waganek were'ma etage salhì lagen,” ìlùk yogosikomo,