LUKAT 10:22 - Ala Ane Wene Ket Mene Warogo Wo'ninapike Wene

²² Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.

LUKAT 10:22 ပူးပေါင်းရင်းမြစ်များ

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

YOHANET 13:3

Atì'nogo a'la kagalhikomo, at Yesùt a'la nen he, “Nopase nen yì mene tì mene obogat an neki ba hikomo werek akìgì. Nen, an nebe Ala were'ma nen pi wagagisik, hobuk napotkwe at oba lagagin akìgì,” ìlùk elu welagaikeat.

YOHANET 3:35

At opase nen aput ebe etaùken hutik logolìk, yì mene tì mene obogat at esewerek logouagalùk wogosike.

IBERANI 2:8

yì mene tì mene obogat nit ninane hologo logolìk, hogo'ninapìk, agauge'ninapìk, ìkì logouagalùk menhinasigin atì,” ìlùk helal waganogo hesukwa. Yì mene tì mene aike pelakhìgì'lek obogat nit ninane hologo logouagalùk isike meneat he, yogotak yì mene tì mene obogat ninane holhì'lek oan werek hìkì lago.

EPESÙT 1:21

Atì'nogo menhesike atì re, it pemerintah kain mene aike obogat mel, inetagepogot mene aike obogat mel, inogogì kaintek aike obogat mel, kaintek it aike inawe a'ma hagisek welagaikarek mene obogat mel, inetagewerek yogota'ne werek mene mel, hobuk logogun mene mel, obogat he, inetage lek meneat he, at Karìsùt enek he, esin hesaksek logouagalùk, menhesike atì.

1 KORÌTÙT 15:24

Ninelugu'ninabìk he, o elùgùn oba arat haga'lasigin. Atì sat he, at Karìsùt en inebe kain welagaikarek atì mel, esewerek welagaikarek atì mel, inomame welagaikarek atì mel, motogat legetsìlìk he, yì mene tì mene, at awe a'ma werek mene obogat ninopase Ala awe a'ma logouagalùk eki ba hegein.

YOHANET 17:10

An mene obogat he, hat meneat o. Nen, hat mene obogat he, an meneat o. It hagarì'lùgì atì ba, an esinethanì'lùgì o.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.