LUKAT 10:19 - Ala Ane Wene Ket Mene Warogo Wo'ninapike Wene

¹⁹ Halok he, lakhani! Walo mel, lìlìm mel, hinesok en al lebelogo potsìgìk, Ibilit ninom weim palek mene a'nogo omame legetsìgìk, hagatì logouageip ìlùk, an nomame wokhisìgìrik esewerek hagathinapì o. Esewerek hagathinapìrì'mo, yì mene tì mene aike nen weagathinabigin motok lek o.

LUKAT 10:19 ပူးပေါင်းရင်းမြစ်များ

MAREKÙT 16:18

Atì'nogo ìkì logolìk, walo apùnì inoaterek mene inekimo wanhìk, it inebe wa'lasuagalùk apùnì wa'lagaikarek mene isoak a'la kelagasogo wogisikenem nìkìk, ugun meneat he, atì nen weagarinapì logogin lek o. Nen, apùnì aike ou wanhenem, it en ineki hagisamo, se aga logogunat o,” ìlùk yogoisasike.

ÙRÙM 16:20

At Ala apùnì inetaùken hapuguthikerek mene a'nogo nen, at Ibilit atì hinesok en al lebelogo heraksoagalùk hepogat hinawe a'ma hei wesigin werek o. Ninoe Etagepogot Yesùt oabùt hano a'nogo nen sethisek logouak o.

LAKSASIKE 28:5

Atì'nogo iko kolek he, Paùlùt ebe weak agìk, wa'lagìk, ìgì'lek logolìk, walo a'nogo eki nen hesak hogo etumo kelaksasike.

ABÌKAKAN 11:5

Nen, it apùnì nen, “It weagarinabuok,” ìlùk ugun halok he, etu it ap pìre atì inapelema nen wùlìbi waga logolìk, it inaselei mene atì inebe halì negeinat o. Halok, sa nen, it weagarinabigìlùk igin halok he, wasusak obaat atì'nogo wasugun o.

LUKAT 11:12

Ì a, at he, Sùeken nele, iko halok he, lìlìm hake mene wogisegesep nogo a? Legat o.