LUKAT 10:16 - Ala Ane Wene Ket Mene Warogo Wo'ninapike Wene

¹⁶ Atì'nogo yogoisìlìk he, at agoromì ane wanhì lagaukwa mene amanogo mel yogoisasike: “It apùnì nen hit hinane holì'lùgì halok he, an naneat holì'lùgì o. Nen, Ninabìt, ìlùk herakhikaga halok he, anat herakhanha o. Nen, an herakhanha halok he, an lakhani wagaike mene a'nogo ebeat heraksaga o,” ìlùk atì'nogo yogoisìlìk he, laksasike.

LUKAT 10:16 ပူးပေါင်းရင်းမြစ်များ

YOHANET 13:20

“At sa nen, apùnì an nen laksegein mene woginape halok he, anat wo'nabigin o. Nen, at sa nen an wo'nape halok he, at an lakhani wagaike mene a'nogoat wanigin o, ìlùk eberogoat yogohisìgì,” ìlùk yogoisasike.

MATÌÙT 10:40

“At sa nen hinebe wokhinabigin halok he, an nebeat wo'nabigin o. Nen, an nebe wo'nabigin atì, an nopase lakhani wagaike mene a'nogo ebeat wanigin o.

1 TESALONIKA 4:8

Wene atì hit aike nen heraksìkì lagep halok he, nit apùnì ninane mene heraksìkì lagep hùk. Lek o. We, Ala nen Areagùn hit wokhisikerek mene a'nogo ane meneat heraksìkì lagep o.

YOHANET 12:48

At he, at atì an nebe wo'nabu abìrat, nen nane tùkùm hogo wanusak abìrat, atì nen, at atì ùkùm oba hegein mene werek o. Ùkùm oba hegein atì re, o elùgùn oba tegelinabigin atì ba, an nen wene yogohisìkì lagì atì baat ùkùm oba asigin o, ìlùk atì'nogo yogohisìkì lagì atì re,

YOHANET 12:44

It atì'nogo hagatì lagaukwa meneat he, at Yesùt en ane hùkorogo mel yogoisasike: “At sa nen etaùken an noba hìpìrethegein halok he, an noba hìpìrethegein hùk. Lek o. We, an lakhani wagaike mene a'nogo oba etaùken hìpìrethegein o.

MAREKÙT 9:37

“Sa nen yekerek yì hake mene omakeat aike an hesik wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin hùk. Nopase lakhani wagaike mene a'nogo ebeat wanigin o,” ìlùk yogoisasike.

MATÌÙT 18:5

Nen, sa nen yekerek yì hake an hesik wanhe halok he, an nebeat wo'nabigin o,” ìlùk yogoisasike.

LAKSASIKE 5:4

Kweang atì hat en it aike inoba oko wanhì'lek werek kolek, hat hakweang meneat. Ma re, it aike wogisegenma oko haga mene atì hat meneat o. Meneat he, ha'la nen atì'nogo kagalogo hagaten atì nahalok. Hane hapeliagat lìbìlogo egen atì, nit apùnì yogonisegen hùk. At Ala at yogoten o,” ìlùk yogosike.

LUKAT 9:48

it amanogo wene mel yogoisasike: “Hit hinekele'ma yoma at etage lek maben mene atìat ebe kain etagewerek asigin atì nen he, sa nen yekerek yì an hesik wanhe halok he, anat wo'nabigin o. Nen, sa nen an wo'napo halok he, at lakhani wagaike mene a'nogoat wanigin o,” ìlùk yogoisasike.

KALATIA 4:14

Yakùlhisikenem an noba ou hìkì lagagi atì ba hinabìt neasak higit meneat he, hinabìt nììgì'lek, hina'meilo niìgì'lek, malaikat Ala nen lakhei wesu mene wanu hak he a? At he, Karìsùt Yesùt ebe wanu hak he a, wo'napigip atì.