LUKAT 10:15 - Ala Ane Wene Ket Mene Warogo Wo'ninapike Wene

¹⁵ Nen, hit apùnì o Kaperenagùm mene yì hina'la nen he, Ala nen pogot oba lìakhinìlìk esinethinegein, ìlùk hogorakìkì lagep a? Motok lek o. We, apùnì wa'la'lùk lagaikare'ma atoma motok pelakhikegein o,” ìlùk yogoisasike.

LUKAT 10:15 ပူးပေါင်းရင်းမြစ်များ

MATÌÙT 4:13

Lagai wagaikesik, a kota Nasaret a'nogo hebùlùk he, o kota Kaperenagùm i Kalilea yekelek esakoma, it ap inùkùl etage Sepulon mene ho, Naptali mene ho, inaua atoma logoigìlùk lagai wagaike.

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

LUKAT 13:28

Atì'nogo yogohisamo, hit eta'ma logolìk, ap Aberaham mel, Yakùp mel, Isak mel, ap he'nakìt Ala ane yogoisìkì lagaukwa mene amanogo mel, Ala awe a'ma hanoma atoma were'ma, hineileken kelagisogoin o. Nen, hit enek he, kwe yagarogo wulakhikamo eta'ma atoma logolìk, hinaik hùnogo lì ago le ago iko motok logogun o.

MATÌÙT 11:23

Nen, hit apùnì o Kaperenagùm mene yì hina'la nen he, Ala nen pogot oba lìakhinìlìk esinethinegein, ìlùk hogorakìkì lagep a? Motok lek o. We, apùnì wa'la'lùk lagaikare'ma atoma motok pelakhikegein o. Apùnì nen hagasusak lek mene an nen elalinat hit ninom logolìk hagatì lagì a'nogo, o Sorom amma hagatì logoilema re, it atoma inebe lek agì'lek yogotak ya mobok hutigat logoilep o.

MATÌÙT 10:28

Apùnì nen hinareagùn hinoasusak mea. We, hinagasabeke nek hinoasugun atì nen he, hinayùk hago logogùp o. Meneat he, at Ala nek he, hinareagùn mel, hinagasabeke mel, elok motok warogo etu ai'mo lakhikasagat werek atì nen, at Ala at hinayùk hogo logoino.

LUKAT 16:23

Nen, ebe re, wa'la'lùk lagaikare'ma a'loma lagaikesik motok weagat logolìk he, elokwe hebek hogo lìakhasike re, Lasarùt Aberaham era'lu were'ma eileken lìagisasike.